ខ្សែបម្រើក្រុមមេឃខៀវ Man.City កីឡាករ Bernardo Silva បានធ្វើការរិះគន់ក្រុមរបស់ខ្លួនក្រោយទទួលបរាជ័យ ចាញ់ក្រុមគូប្រជែងដែលមានមូលដ្ឋានរួមទីក្រុងគឺ Man. United 2-1 កាលពីថ្ងៃអាទិត្យម្សិលមិញក្នុងលទ្ធផល២ទល់និង១។កីឡាករអន្តរជាតិព័រទុយហ្គាល់ Silva បានរិះគន់ខ្លាំងៗទៅលើទម្រង់លេងសម្រាប់ក្រុមការពារតំណែងជើងឯកEPL ថាក្រុមរបស់ខ្លួនលេងបាល់ដូចជាកីឡាករយុវជនអាយុក្រោម ១៥ឆ្នាំអញ្ចឹង ។គួរកត់សម្គាល់ថាគ្រាប់បាល់វាយបក២គ្រាប់ពីសំណាក់កាពីតែន Bruno Fernandes ដោយបាល់ពិន័យ១១ម៉ែត្រ និង១គ្រាប់ទីពីរពីសំណាក់កីឡាករវ័យក្មេង Amad Diallo បានជួយឱ្យក្រុមភ្ញៀវទទួលជ័យជម្នះលើក្រុមម្ចាស់ផ្ទះ Man.City បើទោះបីជាខ្សែការពារសញ្ជាតិក្រូអាត Josko Gvardiol មានឱកាសតែតបញ្ចូលទីនាំមុខមុនក៏ដោយ។

Silvaបានបន្តរិះគន់ខ្លាំងៗលើទម្រង់លេងរបស់ក្រុមបន្តថាៈ វាជាការសម្រេចចិត្តដ៏ឆោតល្ងង់សម្រាប់ការលេងទល់នឹងក្រុមរបស់លោក Ruben Amorim។យើងកំពុងលេងដូចក្មេងអាយុក្រោម ១៥ ឆ្នាំនៅពេលនេះ។ ខ្ញុំមិនដឹងថាមានអ្វីកើតឡើងនៅចុងបញ្ចប់ទេ។ ខ្ញុំគិតថាយើងលេងបានល្អណាស់ ហើយបាល់ទាត់ក្នុងកម្រិតនេះគឺការសម្រេចចិត្តតូចតាចយើងត្រូវធ្វើអោយបានត្រឹមត្រូវតែកំហុសដល់ទៅ២ដងរវាងខ្សែការពារនិង អ្នកចាំទីធ្វើអោយយើងបាត់បង់ឱកាស៣ពិន្ទុដ៍សំខាន់។

សម្រាប់ Man.City ១១ប្រកួតចុងក្រោយឈ្នះតែ១លើកគត់ខណៈគិតត្រឹមសប្តាហ៍ទី១៦នេះពួកគេមានគម្លាតពីក្រុមកំពូលតារាងគឺហង្សក្រហម Liverpool ចំនួន៧ពិន្ទុខណៈ Man.Utd បច្ចុប្បន្នឈរនៅលេខរៀងទី១៣។

ប្រភព:BBC