ប្រភពពីគេហទំព័រ The Sun បានចុះផ្សាយថាវីរបុរសក្រុមបិសាចក្រហម Man.Utd និងបច្ចុប្បន្នជាគ្រូបង្គោលថ្មីរបស់ក្រុម Leicester City លោក Ruud Van Nistelrooy មានគម្រោងប្រើប្រាស់ទំនាក់ទំនងរបស់គាត់ជាមួយក្លឹបបិសាចក្រហម ដើម្បីចុះហត្ថលេខាខ្ចីជើងនាំយកកីឡាករវ័យក្មេង Toby Collyer សម្រាប់កីឡាករវ័យ២០ឆ្នាំសញ្ជាតិអង់គ្លេសដែលកំពុងលេងតួនាទីបម្រើ-ការពារកណ្តាលមករួមក្រុមកំលុងពេលទីផ្សារដោះដូរកីឡាករនិងបើកជាលើកទីពីរនៅខែមករា ២០២៥ខាងមុខនេះ។
គ្រូបង្វឹកសញ្ជាតិហូឡង់បច្ចុប្បន្នមានវ័យ ៤៨ឆ្នាំមានចក្ខុវិស័យវែងឆ្ងាយ ដោយជឿជាក់ថាកីឡាករវ័យ ២០ ឆ្នាំរូបនេះ និង អាចអភិវឌ្ឍសមត្ថភាព ក្លាយជាទ្រព្យសម្បត្តិដ៏សំខាន់នៅក្នុងសមរភូមិរបស់ក្រុមកញ្ជ្រោងខៀវ Leicester City ពួកគេដើម្បីបន្តអាយុជីវិតលេងនៅក្របខណ្ឌខ័ណ្ឌកំពូលអង់គ្លេសជាច្រើនឆ្នាំទៀត។នោះក៍ព្រោះតែអ្នកចាត់ការទូទៅលោក Van Nistelrooy ដឹងយ៉ាងច្បាស់អំពីសមត្ថភាពរបស់ Collyer យ៉ាងជិតស្និទ្ធជាមួយក្នុងអំឡុងពេលបំពេញតួនាទីជាជំនួយការរបស់អតីតគ្រូបង្វឹកលោក Erik Ten Hag និងក្នុងនាមគ្រូបង្វឹកបណ្តោះអាសន្នកន្លងមក។
ទោះជាយ៉ាងណាសម្រាប់ Man United មិនមានចំណាប់អារម្មណ៍ក្នុងការលក់ Collyer ទេ ប៉ុន្តែពួកគេអាចបើកចំហរក្នុងលក្ខខណ្ឌខ្ចីជើង ក្រោយពីសាម៉ីខ្លួនបង្ហាញខ្លួនចូលលេងបានតែ៣ ដងក្នុងរដូវកាលនេះ ក្រោយពីត្រុវក្លឹប Man.Utd ទិញយកពី Brighton និងបានបង្ហាញខ្លួនក្រុមឈុតធំលើកដំបូងរបស់គាត់នៅក្នុងព្រឹត្តការណ៍ Community Shield ឆ្នាំ ២០២៤ក្នុងនាមកីឡាករបម្រុង។ក្រោយមកទៀត Collyer បានចូលលេងជាកីឡាករបម្រុងផងដែរកាលពីដើមរដូវកាលកំលុងពេល Man.Utd ប្រកួតចាញ់ Liverpool ក្នុងផ្ទះខ្លួនឯង។
ប្រភព:SB
វីដេអូ:
បន្ទាប់ពីរកបានគ្រាប់បាល់ស៊ុតបញ្ចូលទីពីរគ្រាប់ទល់នឹង Bournemouth ក្នុងជំនួបមិត្តភាពកំដៅសាច់ដុំមុនបើករដូវកាលក្នុងទីក្រុង Chicago កាលពីថ្ងៃពុធខ្សែប្រយុទ្ធអន្តរជាតិដាណឺម៉ាក Rasmus Hojlund របស់ក្រុមMan. United អាចនិងត្រូវក្លឹបដាក់លក់ ក្នុងតម្លៃត្រឹមតែ 30លានផោនប៉ុណ្ណោះ។ប្រភពពី BBC បានចុះផ្សាយថាៈទោះបីជាបានឆ្លើយសំនួរអ្នកកាសែតក្រោយចប់ការប្រកួតថាសាម៉ីខ្លួនចង់បន្តអាជីពនៅទឹកដី Old Trafford ប៉ុន្តែការចាប់អារម្មណ៍ចង់ចុះហត្ថលេខាលើខ្សែប្រយុទ្ធស្លូវេនី Benjamin Sesko របស់ RB Leipzig នៅតែធ្វើអោយអនាគតរបស់កីឡាករអន្តរជាតិន័រវេរូបនេះជួបភាពមិនច្បាស់លាស់។អត្ថបទកំពុងចាប់អារម្មណ៍៖ Son ពណ៌នាពី Tottenham និងត្រៀមចាកចេញទៅក្លឹបថ្មី(មាន២វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ប្រសិន Hojlund ត្រូវបានលក់ក្នុងតម្លៃ 30 លានផោន វានឹងជាការខាតបង់សម្រាប់ Man Utd ដោយសារតែក្លឹបបានចុះហត្ថលេខានាំយករូបគេក្នុងតម្លៃរហូតដល់ទៅ 43 លានផោនឯណោះពីក្លឹបAtalantaហើយ រូបគេមានកិច្ចសន្យា ២ ឆ្នាំទៀតជាមួយក្លឹប។ United បានចំណាយប្រាក់ជិត 130 លានផោននៅរដូវក្តៅនេះដើម្បីទិញកីឡាករឆ្នើមមានដូចជា Bryan Mbeumo និង Matheus […]
