“តោះពិភាក្សាគ្នានៅចំណតឡានឯណោះវិញ”នេះជាការលើកឡើងរបស់អ្នកវិភាគកីឡាបាល់ទាត់ប្រចាំទូរទស្សន៍Sky Sports លោក Roy Keane មុនពេលឈានដល់ការជជែកគ្នាតឹងសរសៃករ យ៉ាងក្តៅគគុកជាមួយអ្នកគាំទ្រ Ipswich Town ដែលបានឈរនៅកន្លែងជិតកៅអីអង្គុយនាកីឡដ្ឋានរបស់ពួកគេក្នុងជំនួបជាមួយក្រុមភ្ញៀវបិសាចក្រហម Man.Utd ក្រោមការដឹកនាំលើកដំបូងរបស់គ្រូបង្វឹកលោក Ruben Amorim។
ខណៈការប្រកួតបានបញ្ចប់ទៅក្នុងលទ្ធផល ១ទល់និង១ ក្រុមការងារទូរទស្សន៍ Sky Sports កំពុងដំណើរការត្រៀមពិគ្រោះយោបល់គ្នាវាយតម្លៃលើការប្រកួត ស្រាប់តេអ្នកគាំទ្រម្នាក់បានចាប់ផ្តើមបញ្ចេញសម្លេងរំខានពីទីកន្លែងនៅក្រៅទីលានជិតកៅអីដែលរូបគេកំពុងឈរ។បើទោះបីជាមិនបានដកស្រង់អត្ថន័យអ្នកគាំទ្រដែលមិនត្រូវបានបញ្ចេញអត្តសញ្ញាណ ប៉ុន្តែបុរសម្នាក់នោះត្រូវបានគេលឺថាស្រែកជេរប្រមាថខ្លាំងៗ ដល់វីរបុរសនិងជាអតីតខ្សែបម្រើ Man.Utd គឺលោក Roy Keane ដែលធ្វើអោយរូបលោកទប់ខ្លួនមិនជាប់ បានឡើងមកឈរតទល់គ្នា និងនិយាយពាក្យសម្តីប៉ុន្មានម៉ាត់ដូចការលើកឡើងខាងលើ មុនពេលបុរសសញ្ជាតិអៀឡង់រូបនេះត្រលប់ទៅតុវេទិការបស់ទូរទស្សន៍ Sky Sports វិញ ខណៈអ្នករៀបចំកម្មវិធីនៅជុំវិញនោះ បានលើកឡើងថាសូមធ្វើចិត្តអោយត្រជាក់ទៅកាន់អ្នកគាំទ្រនោះ។
គួររំលឹកថាកន្លងមកលោក Keane ធ្លាប់ជាបុគ្គលដែលរិះគន់លើវិស័យបាល់ទាត់ និង ចូលចិត្តនិយាយអ្វីមិនសំចៃមាត់លើទម្រង់លេងរបស់កីឡាករផ្សេងៗជាពិសេសកីឡាករក្រុម Man.Utd របស់ខ្លួនឯងតែម្តង និងពេលខ្លះការរិះគន់របស់គាត់មិនមានមូលដ្ឋានច្បាស់លាស់ត្រូវបានរងការទិតៀនពីមជ្ឈដ្ឋានទូទៅត្រលប់មកវិញផងដែរ។
វីដេអូ:
គ្រូបង្វឹកក្រុមមេឃខៀវ Man. City លោក Pep Guardiola បានកំនត់គោលដៅលើកីឡាករ Rayan Ait-Nouri នៅក្នុងបញ្ជីផ្ទេរដ៍មានសក្តានុពលរបស់គាត់ ដើម្បីដោះស្រាយបញ្ហាវិបត្តិខ្សែការពារឆ្វេងសម្រាប់ក្រុមរបស់គាត់។ គួរកត់សម្គាល់ថាMan Cityក្រុមបញ្ចប់ចំណាត់ថ្នាក់លេខ៣នៅរដូវកាលនេះ បានដំណើរការលេងដោយគ្មានកីឡាករលេងតួនាទីខ្សែការពារឆ្វេងពោលគឺចាប់តាំងពីការចាកចេញរបស់កីឡាករមានរឿងអាស្រូវផ្លូវភេទគឺកីឡាករអន្តរជាតិបារាំង Benjamin Mendy តាំងពីកំលុងខែសីហា ឆ្នាំ ២០២១មកម្លេះ។អត្ថបទកំពុងចាប់អារម្មណ៍៖ Man.City ចង់បានកីឡាករលេងតួនាទីការពារស្លាបឆ្វេងពីក្លឹបគូប្រជែង EPL (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មានអីតកីឡាករមួយចំនួនដូចជាOleksandr Zinchenko, Joao Cancelo និងបច្ចុប្បន្នគឺ Josko Gvardiolធ្លាប់បានដាក់អោយលេងតួនាទីមួយនេះ ប៉ុន្តែមិនទទួលបានភាពប្រាកដប្រជានោះទេ ស្របបពេលកីឡាករវ័យក្មេងនិងជាយុវជនថ្នាល Nico O’Reilly បានដើរតួនាទីចុងក្រោយកាលពីរដូវកាលមុន រួមទាំងការបរាជ័យវគ្គផ្តាច់ព្រ័ត្រពានរង្វាន់ FA Cup ផងដែរនោះ។អ្នកចាត់ការសញ្ជាតិអេស្បាញលោក Pep Guardiola បច្ចុប្បន្នកំពុងពន្លឿនចង់ដោះស្រាយបញ្ហាមួយនេះនៅរដូវក្តៅខណៈ Ait-Nouri របស់ Wolves គឺជាកីឡាករដែលរូបលោក ចង់បាន។ មិនទាន់មានកិច្ចព្រមព្រៀងណាមួយកើតឡើងនៅឡើយទេសម្រាប់កីឡាករអន្តរជាតិអាល់ហ្សេរីមានដើមកំណើតកើតនៅប្រទេសបារាំងវ័យ ២៣ឆ្នាំរូបនេះទេ […]
