(មេនឆេស្ទឺ)៖ កីឡាករ Christian Eriksen អាចនឹងបង្ហាញខ្លួនរបស់លោក ជាលើកដំបូង សម្រាប់ក្លិប Manchester United គិតចាប់តាំងពីខែមករាមក នៅពេលបិសាចក្រហមត្រូវធ្វើជាម្ចាស់ផ្ទះទទួលក្រុម Everton នៅថ្ងៃសៅរ៍ស្អែកនេះ។ នេះបើតាមសម្តីអ្នកចាត់ការ Erik ten Hag បានលើកឡើងតាមសារព័ត៌មាន Live Score ចេញផ្សាយនៅថ្ងៃទី០៧ ខែមេសា ឆ្នាំ២០២៣។
Eriksen មិនបានចូលរួមប្រកួតនោះទេ ចាប់តាំងពីឈ្នះពានរង្វាន់ FA Cup លើក្រុម Reading កាលពីចុងខែមករា ដោយសាររងរបួសកជើង នៅអំឡុងពេលប្រកួតនោះ។
ដោយសួរថាតើ Eriksen អាចវិលត្រឡប់ចូលក្រុមសម្រាប់ថ្ងៃប្រកួតប៉ះក្រុម Everton ឬយ៉ាងណានោះ លោក Ten Hag បានប្រាប់ប្រព័ន្ធផ្សព្វផ្សាយ Viaplay នៅប្រទេសដាណឺម៉ាកថា «យើងនឹងមើល។ យើងនឹងតាមដានពីមួយថ្ងៃទៅមួយថ្ងៃ»។ លោកបន្តថា «គាត់កំពុងល្អប្រសើរ។ គាត់ទើបតែវិលត្រឡប់មកហ្វឹកហាត់ជាមួយក្រុមវិញក្នុងសប្តាហ៍នេះ។ យើងមានការហ្វឹកហាត់ ២លើក បន្ទាប់ពីនោះ យើងនឹងសម្រេចថាតើ គាត់អាចត្រឡប់ចូលលេងជាមួយក្រុមម្តងទៀតឬអត់»។
សូមជម្រាបថា Man United បានឈ្នះ៦៣.២ភាគរយ នៃការប្រកួតក្នុងក្របខណ្ឌ Premier League ដែល Eriksen បានបង្ហាញខ្លួន ក្នុងរដូវកាលនេះ ធៀបទៅនឹង ៤៤.៤ភាគរយនៃការប្រកួតទាំងនោះ ដែលលោកបានអវត្តមាន៕
(សហរដ្ឋអាមេរិក)៖ កំពូលខ្សែប្រយុទ្ធអាស៊ី Son Heung-min ត្រូវបានប្រកាសជាផ្លូវការ ក្នុងការចូលរួមជាមួយក្លិបថ្មី Los Angeles FC ក្នុងក្របខណ្ឌលីគកំពូល Major League Soccer ជាមួយតម្លៃផ្ទេរប្រមាណ ២០លានផោន ជាមួយកុងត្រា២ឆ្នាំ បន្ទាប់ពីរួមរស់ជាមួយក្លឹបមាន់ខ្នាយមាស Tottenham Hotspur អស់រយៈពេលជាង១០ឆ្នាំកន្លងមក។អត្ថបទកំពុងចាប់អារម្មណ៍៖ ម្នាក់ទៀតហើយ! តារាឆ្នើម Liverpool ខិតជិតនឹងផ្ទេរទៅរួមទ្រនំនៅ Al Hilal សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ថ្លែងនៅក្នុងការបង្ហាញខ្លួនជាផ្លូវការ ប្រធានក្រុមជម្រើសជាតិកូរ៉េខាងត្បូងវ័យ៣៣ឆ្នាំ បានឱ្យដឹងថា «LAFC បានផ្លាស់ប្តូរបេះដូងរបស់ខ្ញុំ ដែលមិនត្រឹមជាជម្រើសទី១ សម្រាប់ខ្ញុំផងនោះទេ។ វាជាក្តីសុបិនក្លាយជាការពិត។ LA គឺជាទីក្រុងដ៏អស្ចារ្យណាស់»។ គួរជម្រាបផងដែរថា LAFC បានកំពុងស្ថិតនៅលេខរៀងទី៦ ជាបណ្តោះអាសន្នក្នុង MLS ប្រចាំតំបន់ Western Conference និងបានរួមក្រុមឡើងវិញជាមួយអតីតអ្នកចាំទីរបស់ Spurs គឺ Hugo Lloris៕ […]
