(អង់គ្លេស)៖ ក្នុងរាត្រីដ៏រំជួលចិត្តនៅកីឡដ្ឋាន Wembley ប្រទេសក្រិកបានយកឈ្នះក្នុងលទ្ធផល ២:១ ទៅលើតោកំណាចអង់គ្លេស ក្នុងការប្រកួតនៅ UEFA Nations League។ បន្ទាប់ពីចប់ការប្រកួត អ្នកគាំទ្រអង់គ្លេសសុទ្ធតែរិះគន់នូវចំណុចដូចគ្នា បន្ទាប់ពីបានមើលការប្រកួតដ៏អនាធិបតេយ្យទល់នឹងប្រទេសក្រិក។ នេះជាបរាជ័យលើកដំបូងរបស់គ្រូអង់គ្លេសថ្មីលោក Lee Carsley ចាប់តាំងពីជំនួសតំណែងលោក Gareth Southgate ជាអ្នកចាត់ការបណ្ដោះអាសន្នរបស់អង់គ្លេសមក។
គួរជម្រាបដែរថា អ្នកកាន់តំណែងមានវ័យ ៥០ឆ្នាំ បានចាប់ផ្តើមបានយ៉ាងត្រចះត្រចង់ បន្ទាប់ពីបានយកឈ្នះលើសាធារណរដ្ឋអៀរឡង់ និងហ្វាំងឡង់កាលពីខែមុន ប៉ុន្តែខណៈពេលនេះទម្រង់លេងរបស់គាត់បានបង្ហាញពីការខ្វះភាពច្នៃប្រឌិត និងការជ្រើសរើសអ្នកលេង។ មនុស្សជាច្រើនមានអារម្មណ៍ខកចិត្តចំពោះការអនុវត្តន៍ទម្រង់ទាំងមូល ហើយកំពុងអំពាវនាវឲ្យមានការផ្លាស់ប្តូរ ដើម្បីធ្វើឱ្យក្រុមមានការកែលម្អសម្រាប់ការបង្ហាញនៅថ្ងៃអនាគត៕
ប្រភព៖ SPORTbible
