កីឡាការនីកម្ពុជា ស្រួង ភាវី ទទួលបានអញ្ជើញពិសេសមួយ ដែលមានការចូលរួមពីថ្នាក់ដឹកនាំកំពូលរបស់ប្រទេសកូរ៉េខាងត្បូង
ទំហំអក្សរ
តូច
ធំ
ម្ចាស់មេដាយ ស៊ីហ្គេមលើកទី៣២ របស់ប្រទេសកម្ពុជាគឺ អ្នកនាង ស្រួង ភាវី បានទទួលការអញ្ជើញពិសេសមួយ ដើម្បីចូលរួមជាភ្ញៀវកិត្តិយសនៅក្នុងកម្មវិធី ដែលមានការចូលរួមពីថ្នាក់ដឹកនាំកំពូលរបស់ប្រទេសកូរ៉េខាងត្បូងផងដែរ។ អ្នកនាង ស្រួង ភាវី បានបង្ហាញពីមោទនភាពក្នុងនាមជាកូនខ្មែរម្នាក់ដែលមានវត្តមានក្នុងកម្មវិធីពិសេសនោះថា៖ « ជាមហាកិត្តិយសដ៏ក្រៃលែងសម្រាប់កូនស្រីកម្ពុជាម្នាក់នេះ !ថ្ងៃនេះនាងខ្ញុំបានទទួលការអញ្ជើញពីអង្គការ “កងទ័ពសង្គ្រោះ” ឬហៅថាទាហានសម្រាប់ជួយសង្គ្រោះ ក្នុងនាមជាទូតសុច្ឆន្ទៈរបស់អង្គការ។ ក្នុងកម្មវិធី (ការបរិច្ចាគ និងការចែករំលែក) ជាព្រឹត្តិការណ៍អញ្ជើញក្រុមរួមគ្នាតាមរយៈការចែករំលែក ដែលជាប្រទេសកូរ៉េដ៏កក់ក្តៅ។
អត្ថបទកំពុងចាប់អារម្មណ៍៖ ស្ងាត់ៗ ! Lamine Yamal រកបានគូស្នេហ៍ថ្មីចែសឯសម្រស់វិញប្រិយមិត្តអាចដាក់ពិន្ទុបាន
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
កម្មវិធីប្រព្រឹត្តិទៅក្រោមអធិបតីភាពលោកប្រធានាធិបតីរបស់ប្រទេសកូរ៉េ និងមានការអញ្ជើញចូលរួមរដ្ឋមន្ត្រីធំៗ បណ្ដាអ្នកអង្ការនានា អ្នកជំនួញធំៗ សិល្បករ សិល្បការិនីល្បីៗលំដាប់ប្រទេស ដែលសុទ្ធតែជាអ្នកចូលរួមជួយសង្គមជាតិ ជួយសង្គ្រោះប្រជាជនតាមរយៈការបរិច្ចាគរបស់ពួកគេ។
ព្រឹត្តិការណ៍ដ៏អស្ចារ្យនេះមួយឆ្នាំគេប្រារព្ធធ្វើម្ដងរៀងរាល់ឆ្នាំ ហេីយរឹតតែអស្ចារ្យនោះគឺ លោកប្រធានាធិបតីមិនត្រឹមតែបរិច្ចាគនូវតំណាងថវិកាជាតិតែប៉ុណ្ណោះទេ លោកក៏បានបរិច្ចាគថវិកាផ្ទាល់របស់លោក ព្រមទាំងភរិយាក្នុងកិច្ចការនេះផងដែរ។
ក្នុងឱកាសនេះផងដែរនាងខ្ញុំក៏បានថ្លែងទៅកាន់អង្គពិធីថា សម្រាប់រូបនាងខ្ញុំផ្ទាល់ដែលជាស្រ្តីមួយរូបមកពីប្រទេសកម្ពុជា បានដាក់កាយ ដាក់ចិត្ត បេះដូង និងហ៊ានពលីទាំងជីវិតរបស់ខ្ញុំក្នុងការចូលរួមចំណែកជួយសង្គ្រោះដល់មនុស្សក្នុងពិភពលោកយេីងនេះដោយពុំមានការរាថយឡេីយ។ ពេលនោះក្នុងអង្គពិធីក៏បន្លឺស្នូរទះដៃអបអរសាទរ និងផ្ដល់កម្លាំងចិត្តដល់រូបនាងខ្ញុំ “ជឿស្ដាប់តាមឱវាទរបស់ព្រះពុទ្ធសាសនា ធ្វើឱ្យខ្ញុំមានពន្លឺនៃជីវិតដល់សព្វថ្ងៃនេះ »៕
Topics
អត្ថបទទាក់ទង
2 years ago .
451 Views
កីឡាការនី ស្រួង ភារី យកថវិការដែលបានឈ្នះពីមេដាយមាសទៅចែកជូនក្មេងៗដែលកំពុងខ្វះខាត
