ប្រទេសកម្ពុជា៖ សហព័ន្ធបាល់ទាត់នៃព្រះរាជាណាចក្រ កម្ពុជា បានប្រកាសនៅថ្ងៃទី៣០ខែតុលាឆ្នាំ២០២៣នេះថា ក្រុមជម្រើសជាតិគោព្រៃកម្ពុជានឹងមានការប្រកួតបែបមិត្តភាពកម្តៅសាច់ដុំជាមួយនឹងក្រុមជម្រើសជាតិកាតានៅថ្ងៃទី៣១ខែធ្នូឆ្នាំ២០២៣ ដែលការប្រកួតនឹងប្រារព្ធឡើងនៅឯប្រទេសកាតា ដែលទីតាំងរៀបការប្រកួត FIFA World Cup 2022 កន្លងដែលក្រុមជម្រើសជាតិអាហ្សង់ទីនទទួលជ័យលាភី។ ក្នុងសេចក្តីប្រកាសសហព័ន្ធបាល់ទាត់កម្ពុជាបានសរសេរថា៖ «ដោយមានការទំនាក់ទំនងល្អរវាងសហព័ន្ធបាល់ទាត់កាតា នឹងសហព័ន្ធបាល់ទាត់កម្ពុជានឹងដើម្បីពង្រឹងការសហការល្អនេះ សហ័ពន្ធបាល់ទាត់កាតាបានអញ្ជើញក្រុមជម្រើសជាតិកម្ពុជា ប្រកួតមិត្តភាពផ្លាស់ប្តូរបច្ចេកទេសជាមួយក្រុមជម្រើសជាតិកាតា នៅថ្ងៃទី៣១ ខែធ្នូ ឆ្នាំ២០២៣ នាទីក្រុងដូហា ប្រទេសកាតា។»