ក្លឹបមួយចំនួនធំនៅអឺរ៉ុបត្រៀមចំណាយប្រាក់ដ៏ច្រើនដើម្បីប្រជែងក្នុងទីផ្សារដោះដូរកីឡាករ ប៉ុន្តែពួកគេក៍ព្យាយាមជៀសវាងការទិញយកកីឡាករទាំងនោះអោយលើសពីការកំនត់របស់ច្បាប់ហិរញ្ញវត្តុ UEFA ផងដែរ។ បន្ទាប់ពីខ្សែបម្រើ Florian Wirtz បានក្លាយជាកីឡាករទី ១៧ ក្នុងប្រវត្តិសាស្ត្រដែលបញ្ចប់ការផ្ទេរពី Leverkusen មកចូលរួម ជាមួយក្រុម Liverpool កាលពីដើមខែនេះ។ផ្ទុយទៅវិញ Neymar JR នៅតែឈរនៅលេខរៀងទី១ ក្នុងនាមកីឡាករដែលមានតម្លៃផ្ទេរថ្លៃបំផុតនៅពេលដែលខ្សែប្រយុទ្ធស្លាប ផ្ទេរពី Barcelona ទៅ PSG ក្នុងតម្លៃ ២២២ លានអឺរ៉ូ ស្មើនិង (១៩៨ លានផោន / ២៤៧ លានដុល្លារ) ក្នុងឆ្នាំ ២០១៧ ។
ទោះយ៉ាងណាបច្ចុប្បន្នក្លឹបមួយចំនួនធំត្រៀមចំណាយប្រាក់ទិញយកកីឡាករឆ្នើមៗទៅរួមក្រុមខណៈក្លឹបមួយចំនួនដែលមានកីឡាករឆ្នើមត្រៀមស្វែងរកប្រាក់ចំណេញពីការលក់ពួកគេទាំងនោះក្នុងតម្លៃខ្ពស់។
១.Tyler Dibling(Southampton)
ខ្សែបម្រើស្លាប U-២១ ក្រុមជម្រើសជាតិអង់គ្លេសមានវ័យ១៩ឆ្នាំបានបង្ហាញទម្រង់លេងល្អសម្រាប់ក្រុមកាលពីរដូវកាលចាស់ បើទោះបីជាពួកគេបានកាត់ទៅលេងនៅក្របខណ្ឌ Champion ship ក៍ដោយ។
២.Vangelis Pavlidis (Benfica)
ខ្សែប្រយុទ្ធសញ្ជាតិក្រិករបស់ក្រុម Benfica វ័យ២៦ឆ្នាំត្រូវបានក្លឹបChelsea និង Newcastle ចាប់អារម្មណ៍ខណៈរូបគេបានបង្ហាញទម្រង់លេងល្អនៅព្រឹត្តិការណ៍ FIFA Club World Cup។
៣. Rodrigo Mora (Porto)
ខ្សែបម្រើ-ប្រយុទ្ធស្លាប និងជាកីឡាករនាំលេង(Playmaker)វ័យ១៨ឆ្នាំមានតម្លៃទិញផ្តាច់កុងត្រា១០០លានយូរ៉ូឯណោះ។
៤.Bradley Barcola(PSG)
ទម្រង់លេងដ៍លេចធ្លោរបស់ Desire Doue និង Khvicha Kvaratskhelia ធ្វើអោយកៅអីជម្រើសដំបូងរបស់ Barcola មិនមានភាពច្បាស់លាស់ បើទោះបីជាកីឡាករវ័យ២២ឆ្នាំបានដើរតួនាទីសំខាន់ជួយក្រុមលោក Luis Enrique លើកពាន៣នៅរដូវកាលមុនជាមួយការរកបានគ្រាប់បាល់រហូតដល់ទៅ៤០គ្រាប់គ្រប់ក្របខណ្ឌប្រកួតឯណោះ។
៥.Alexander Isak
ប្រភពពីគេហទំព័រ The Athletic បានចុះផ្សាយថាក្រុមសារិកាព្រៃ Newcastle និងពិចារណាប្រសិនមានក្លឹបណាហ៊ានអោយថ្លៃខ្សែប្រយុទ្ធឆ្នើមសញ្ជាតិស៊ុយអ៊ែតរហូតដល់តម្លៃ១៥០លានយូរ៉ូនោះ។ Liverpool ត្រូវបានចុះផ្សាយថាមានការចាប់អារម្មណ៍ចង់បានកីឡាកររូបនេះមករួមក្រុមប៉ុន្តែនិងពិចារណាលើការកំនត់ទំហំចាយវាយ(FFP Limit) បើទោះបីជាពួកគេបានបញ្ចប់ការផ្ទេរ Milos Kekez និង Floran Wirtz និងត្រៀមបញ្ចប់ការផ្ទេរយក Gemery Frimpong បន្ថែមទៀត។
៦.Rodrygo(Real Madrid)
កំលុងពេល ដឹកនាំ Real Madrid បច្ចុប្បន្នកំពុងដឹកនាំ Brazil លោក Carlo Ancelloti មិនបានដាក់អោយខ្សែប្រយុទ្ធអន្តរជាតិប្រេស៊ីលរូបនេះចូលលេងទៀងទាត់នោះទេ។ ទោះយ៉ាងណាអតីតកីឡាករ Santos បានបេ្តជ្ញាមិនចាកចេញនិងត្រៀមតស៊ូប្រជែងជម្រើសដំបូងក្រោមការដឹកនាំរបស់គ្រូបង្វឹកថ្មី Xabi Alonso បើទោះបីមានព័ត៌មានបានចុះផ្សាយថា Arsenal ជាក្រុមចង់បាន Rodrygo ទៅចូលរួមជាមួយពួកគេក៍ដោយ។
៧.Viktor Gyokeres(Sporting CP)
ក្លឹប Sporting CP មានបំណង និង ពិចារណាលក់ខ្សែប្រយុទ្ធឆ្នើមក្នុងតម្លៃចន្លោះពី៧០ទៅ៨០លានផោន បន្ទាប់ពីក្លឹបសម្រេចកែប្រែតម្លៃផ្តាច់កុងត្រាប្រមាណ១០០លានយូរ៉ូសម្រាប់កីឡាករអន្តរជាតិស៊ុយអ៊ែតធ្លាប់លេងអោយ Coventry, Swansea និង Brighton រូបនេះ។កន្លងមកមានក្លឹបធំៗនៅអង់គ្លេស ដូចជា Arsenal និង Man.Utdបានបង្ហាញការចាប់អារម្មណ៍ចង់បានកីឡាករវ័យ២៧ឆ្នាំរូបនេះ។
៨.Benjamin Sesko(RB Leipzig)
គេហទំព័រ The Telegraph បានចុះផ្សាយថា Arsenal មានបំណងចង់បានកីឡាករវ័យ២២ឆ្នាំរូបនេះមកលេងនៅតំបន់ប្រយុទ្ធជួរមុខក៍ព្រោះតែអំណោយផលពីធម្មជាតិគឺកំពស់១ម៉ែត្រ៩៥សង់ទីម៉ែត្រក៍ជាចំនុចលេចធ្លោសម្រាប់កីឡាករស្លូវើនៀ ដែលមានតម្លៃមិនក្រោម១០០លានយូរ៉ូទេ។
៩. Hugo Ekitike (Eintracht Frankfurt)
កីឡាករអន្តរជាតិបារំាងអតីតកីឡាករ PSG វ័យ២៣ឆ្នាំបានក្លាយជាគោលដៅផ្ទេររបស់ Barcelona, Real Madrid, Liverpool, Manchester United, Chelsea, Newcastle និង Aston Villa។ក៍ព្រោះតែទម្រង់លេងលេចធ្លោកាលពីរដូវកាលចាស់ដោយរកបាន៣៤គ្រាប់នៅគ្រប់ក្របខណ្ឌប្រកួតរបស់គេ។
ប្រភព:Goal
(អង់គ្លេស)៖ ក្លឹបបាល់ទាត់តោខៀវ Chelsea បានយល់ព្រមចុះហត្ថលេខាទិញយកខ្សែប្រយុទ្ធ Joao Pedro ពីក្លឹប Brighton ក្នុងតម្លៃខ្លួនផ្ទេរប្រមាណ ៨២លានដុល្លារ ខណៈដែលកិច្ចសន្យាកុងត្រារហូតដល់ទៅ ៧ឆ្នាំ ។អត្ថបទកំពុងចាប់អារម្មណ៍៖ តស់! មកដឹងពីចំណូលដែលក្លឹបធំៗ រកបានពី FIFA Club World Cup ២០២៥ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា កីឡាករប្រេស៊ីលវ័យ ២៣ឆ្នាំ បានស៊ុតបញ្ចូលទី ៣០គ្រាប់ និងបោះឲ្យគេស៊ុត ១០ដង ក្នុងការប្រកួតសរុប ៧០លើក ក្នុងរយៈពេល២ឆ្នាំ នៅ Brighton ៕ ប្រភព៖ BBC
