កីឡាករឆ្នើម Kilyan Mbappe មិនបានចូលរួមក្នុងវគ្គហ្វឹកហាត់កាលពីថ្ងៃពុធជាមួយមិត្តរួមក្រុមReal Madrid នៅឯជរុំហ្វឹកហាត់នៅ Palm Beach ក្នុងការប្រកួតបើកឆាកFIFA Club World Cup ២០២៥របស់ពួកគេទល់នឹង Al Hilal នៅវេលាម៉ោង២រំលងអធ្រាតឈានចូលថ្ងៃព្រហស្បត្ត៍ស្អែកនេះ។ មូលហេតុនោះគឺខ្សែប្រយុទ្ធសញ្ជាតិបារាំង Mbappe កំពុងមានជំងឺគ្រុនក្តៅ ហើយទំនងជាមិនអាចបង្ហាញខ្លួនក្នុងការប៉ះក្រុមមកពីលិគកំពូលអារ៉ាប៊ីសាអូឌីតជាលើកដំបូងនៅក្នុងពូល H បាននោះឡើយ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទោះយ៉ាងណាប្រសិនស្ថានភាពមិនបានប្រសើរឡើងនោះទេ Mbappe នឹងអាចត្រូវដាក់បញ្ចូលក្នុងបញ្ជីអវត្តមានរបស់កីឡាករ Camavinga, Endrick និង Ferland Mendy ។ ផ្ទុយទៅវិញ Carvajal, Alaba, Militao និង Rudiger ទាំងអស់បានហ្វឹកហាត់យ៉ាងពេញទំហឹង ខណៈដែលពួកគេម្នាក់ៗបានព្យាយាមស្តាកាយសម្បទាពីបញ្ហារបួសឡើងមកវិញ។
ប្រភព:Besoccer