(អង់គ្លេស)៖ ក្លឹបមេឃខៀវ Manchester City បានបញ្ចប់ការផ្ទេរចុះហត្ថលេខានាំយកខ្សែបម្រើ Rayan Cherki ពីក្លឹប Lyon ក្នុងកិច្ចសន្យាកុងត្រារយៈពេល៥ឆ្នាំ។ ជាមួយគ្នានោះ ក្រោយមកដល់ពហុកីឡដ្ឋាន Etihad ភ្លាមរូបគេបានរំលឹកទៅដល់វគ្គ៨ក្រុមនៅ UEFA Europa League ដែលក្លឹប Lyon ចាញ់ Man Utd ក្នុងលទ្ធផល ៥:៤ លេងសរុបទាំងពីរជើង។ យ៉ាងណាមិញ Cherki មានវ័យ ២១ឆ្នាំ បានសារភាពយ៉ាងដូច្នេះថា «ខ្ញុំមិនចូលចិត្តនៅពេលដែល Man Utd យកឈ្នះ Lyon ពីព្រោះខ្ញុំជា Lyonnais។ ខ្ញុំកំពុងរង់ចាំសម្រាប់ការប្រកួត ដើម្បីនឹងសងសឹកពួកគេ។ ខ្ញុំមកទីនេះ គឺដើម្បីឈ្នះគ្រប់ការប្រកួតទាំងអស់»៕

ប្រភព៖ BBC