(បរទេស)៖ អ្នកចាត់ការទូទៅក្លឹបតោខៀវ Chelsea លោក Enzo Maresca បានថ្លែងយ៉ាងដូច្នេះថា «វាគ្មានការសង្ស័យអ្វីឡើយ ចំពោះខ្សែប្រយុទ្ធ Liam Delap គឺជាម្ចាស់លេខ៩ ក្នុងក្រុមជម្រើសជាតិអង់គ្លេសនាពេលអនាគត»។ ទន្ទឹមនឹងនេះ កីឡាករអាយុទើបតែ ២២ឆ្នាំ រូបនេះធ្លាប់ជាអតីតកូនក្រុមរបស់លោក Maresca ដែលបានរួមចំណែកជួយឲ្យ U-23 របស់ក្លឹប Manchester City ឈ្នះជើងឯកលីគកាលពីឆ្នាំ២០២១។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

គួរជម្រាបដែរថា បច្ចុប្បន្នខ្សែប្រយុទ្ធវ័យក្មេង Delap បានចូលរួមជាមួយ Chelsea ក្នុងតម្លៃ ៣០លានផោន ដោយផ្ទេរពីក្លឹប Ipswich Town កាលពីដើមខែមិថុនា ដែលជាអតីតកូនសិស្សសំណព្វរបស់លោក Maresca កាលគាត់នៅដឹកនាំឈុតយុវជន Man City ៕

ប្រភព៖ BBC