ទីបំផុតខ្សែបម្រើដ៍មានឥទ្ធិពលKevin De Bruyne ពេលនេះបានផ្តល់ភ្លើងខៀវក្នុងការផ្លាស់ទៅបន្តអាជីពនៅលីកកំពូល Serie A របស់ប្រទេសអ៊ីតាលី ដោយគ្រោងនឹងចាកចេញទៅពិនិត្យសុខភាពជាមួយក្លឹបជើងឯក Napoli នេះបើយោងតាម អ្នកជំនាញផ្នែកទីផ្សារដោះដូរកីឡាករ និង ជាអ្នកសារពត៌មានសញ្ជាតិអ៊ីតាលីលោក Fabrizio Romano បានលើកឡើង ។ ប្រសិនអ្វីៗជោគជ័យដូចការរំពឹងទុកនោះ វីរបុរសក្រុមមេឃខៀវ Man.City សញ្ជាតិបែលក្សិក De Bruyne នឹងចុះហត្ថលេខាលើកិច្ចសន្យារយៈពេលពីរឆ្នាំជាមួយនឹងជម្រើសសម្រាប់មួយឆ្នាំបន្ថែមទៀត ក្រោយសម្រេចចិត្តចាកចេញពីទឹកដី Etihad នៅបញ្ចប់រដូវកាលនេះ។
ការពិត De Bruyne ត្រូវបានក្លឹបនៅលីកកំពូលសហរដ្ឋអាមេរិក Major League Soccer ទាក់ទាញចំណាប់អារម្មណ៍ចង់បានយករូបគេទៅរួមក្រុម ប៉ុន្តែទីបំផុតអតីតកីឡាករ Wolfburg និង Chelsea ចង់បន្តកិច្ចការងារជាមួក្លឹបនៅទ្វីបអឺរ៉ុបបន្តទៀត ។ ទោះយ៉ាងណាការមកដល់របស់គាត់និងក្លាយជាកំលាំងស្នូលសម្រាប់ក្លឹបម្ចាស់ជើងឯក Serie A ខណៈDe Bruyne ត្រៀមរួមការងារជាមួយ Scott McTominay អតីតកីឡាករ Man.Utd ដែលធ្លាប់លេងប្រឈមនិងប្រកួតប្រជែងគ្នាកំលុងពេលនៅក្របខណ្ឌ EPL។ ទោះបីធ្លាប់ជួយManCity លើកពាន៣កំលុងរដូវកាល ២០២៣-២០២៤ ប៉ុន្តែរដូវកាលចាស់ Man.City មិនបានឈ្នះពានអ្វីទាល់តែសោះខណៈ De Bruyne កីឡាករវ័យ៣៣ឆ្នាំ បានបញ្ចេញសមត្ថភាពស៊ុតបញ្ចូលទីបាន ១២ គ្រាប់ក្នុងលីកជម្រុញអោយក្លឹបមានកៅអីលេងនៅពានកំពូលទ្វីបអឺរ៉ុបសម្រាប់រដូវកាលក្រោយ។
ប្រភព:Goal
វីដេអូ(1)
វីដេអូ(2)
