ភ្នំពេញ​ – ថ្ងៃទី ២២​ ខែមេសា ឆ្នាំ ២០២៥, ក្រុមបាល់ទាត់លីគកំពូលកម្ពុជា ភ្នំពេញក្រោនបានប្រកាសជាផ្លូវការណ៍អំពីការពន្យាពេលការប្ររកួតក្នុងក្នុង​វគ្គ​4ក្រុមចុងក្រោយ​ពានរង្វាន់​សម្ដេច ហ៊ុន​ សែន​ ទល់នឹងក្រុមវិសាខា ដែលការប្រកួតនឹងត្រូវធ្វើឡើងនៅថ្ងៃទី២៣ខែមេសាឆ្នាំ២០២៥ ដោយផ្លាស់ទៅប្រកួតនៅថ្ងៃទី៣០ខែមេសាឆ្នាំ២០២៥វិញ ដើម្បីបង្ហាញជាការគោរពដល់ក្រុមគូប្រជែងដែលទើបតែបាត់បង់សមាជិកជាទីស្រឡាញ់របស់ខ្លួនគឺ ទេស សម្បត្តិ ដែលបានទទួលមោរណៈភាពកាលពីយប់ថ្ងៃទី២០ខែមេសាឆ្នាំ២០២៥កន្លងទៅថ្មីៗនេះ។

ទេស សម្បត្តិ តែងតែជាកីឡាករដ៏សំខាន់សម្រាប់ក្រុមវិសាខា និងជម្រើសជាតិរាល់ពេលដែលរូបគេបង្ហាញវត្តមានឲ្យក្រុម។ ការសម្រេចចិត្តផ្លាស់ប្តូរពេលវេលាប្រកួតនេះគឺមតិរួមពីក្រុមភ្នំពេញ និងវិសាខា៕