ខ្សែប្រយុទ្ធកំពូលស្ទាយ Antony បានបង្ហើបអំពីបំណងមិនចង់វិលត្រលប់ទៅកាន់ Manchester United វិញបន្ទាប់ពីចប់ភារកិច្ចខ្ចីជើងនៅ Real Betis ដោយរូបគេបង្ហាញអំពីជីវិតដ៏រីករាយរបស់ខ្លួននៅលើទឹកដីអេស្ប៉ាញ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
Antony បានបង្ហាញអារម្មណ៍គោរពដល់ក្រុម Man Utd ប៉ុន្តែរូបគេនិយាយថា គ្រួសាររបស់គេសប្បាយចិត្តនឹងការរស់នៅប្រទេសអេស្ប៉ាញជាង បើប្រៀបធៀបនឹងការរស់នៅ Manchester។ ការបង្ហាញទំរង់លេចធ្លោរបស់គេនៅ Real Betis (៤គ្រាប់ និង Assist ៤ដង) នឹងធ្វើឲ្យតម្លៃខ្លួនរបស់កីឡាករប្រេសុីលកើនឡើងសារជាថ្មី។
គ្រូបង្វឹកក្រុម Man utd លោក Ruben Amorim ហាក់ស្ទាក់ស្ទើរក្នុងការនាំយកខ្សែប្រយុទ្ធរូបនេះទៅកាន់ Premier League ដោយលោក គិតថា កាយសប្បទារបស់រូបគេមិនទាន់ល្អគ្រប់គ្រាន់ ប៉ុន្តែត្រូវបានច្រានចោលដោយភ្នាក់ងាររបស់ Antony, បច្ចុប្បន្នការចាកចេញពី Old Trafford ជាចិន្ត្រៃយ៍ទំនងជាមានភាគរយខ្ពស់ ខណៈមានក្លឹបធំៗ ជាច្រើនកំពុងតាមដានយ៉ាងយកចិត្តទុកដាក់អំពីស្ថានភាពរបស់ខ្សែប្រយុទ្ធរូបនេះផងដែរ៕
