ទីបំផុតក្លឹបប្រចៀវខ្មៅ Valencia បានចែកផ្លូវគ្នាជាមួយគ្រូបង្វឹក Rúben Baraja ជាផ្លូវការហើយពោលគឺនៅត្រឹមតែ ៤៨ ម៉ោងមុនការប្រាព្ធបុណ្យណូអែលទូទាំងសកលលោក។ការបណ្តេញលោក Baraja នេះបានកើតឡើងបន្ទាប់ពីទម្រង់លេងរបស់ក្លឹប Valencia ឈ្នះតែមួយប្រកួតគត់ក្នុងចំណោម ៦ ប្រកួតចុងក្រោយរបស់ពួកគេដោយចាញ់ ៣ ខណៈការប្រកួតចុងក្រោយស្មើក្នុងផ្ទះជាមួយAlaves ក៍ដោយ។គួររំលឹកផងដែរថាលោក Baraja គឺជាអតីតខ្សែបម្រើ Valencia ដែលត្រូវបានតែងតាំងដោយក្លឹបនៅខែកុម្ភៈ ឆ្នាំ ២០២៣កន្ងលទៅនិងបានជួយក្រុមបញ្ចប់ក្នុងចំណាត់ថ្នាក់លេខ៩កាលពីរដូវកាលចាស់ទោះបីរកមិនឃើញជ័យជំនះសោះនៅ៧ប្រកួតចុងក្រោយមុនបញ្ចប់រដូវកាល២០២៣-២០២៤។

បច្ចុប្បន្នក្រោយការចាកចេញរបស់គ្រូបង្វឹកវ័យ ៤៩ ឆ្នាំរូបនេះ Valencia កំពុងស្ថិតនៅចំណាត់ថ្នាក់លេខ២បាតតារាងក្របខណ្ឌ La Liga ដោយមានត្រឹមតែ ១២ ពិន្ទុពីការប្រកួតបើកឆាកចំនួន ១៧ លើកនៅរដូវកាលនេះ២០២៤-២០២៥នេះនិងបរាជ័យ៣លើករួចមកហើយ។គួររំលឹកថា Valencia មិនដែលធ្លាក់ទៅលេងនៅក្របខណ្ឌលីកលំដាប់ទីពីរអេស្បាញទេគិតចាប់តាំងពីរដូវកាល ១៩៨៦-១៩៨៧មក។ ក្រុម Valenica និងត្រៀមជួបក្រុមការពារតំណែងជើងឯក La liga គឺ Real Madrid នៅថ្ងៃទី៣ មករា ឆ្នាំ ២០២៥ខាងមុខនេះ។
ប្រភព:The Star & Tribuna
មាន១វីដេអូ