វីរបុរសក្លឹប Man.United លោក Dwight Yorke បានលើកឡើងថា អ្នកចាត់ការដែលកំពុងដឹកនាំក្រុមបច្ចុប្បន្នគឺលោក Ruben Amorim អាចពឹងផ្អែកលើកីឡាករសំខាន់២រូបនេះគឺទី១កាពីតែនក្រុ Bruno Fernandes និងទីពីរកីឡាករអន្តរជាតិកូឌីវ័រ Amad Diallo ។ខណៈកីឡាករដែលលេងនៅតួនាទីបម្រើស្លាបទាំងពីរនាក់នេះបានជួយអោយក្រុម Man United ផ្តួលគូប្រជែង Premier League ដ៍សំខាន់គឺក្រុមមានមូលដ្ឋានរួមទីក្រុងគឺMan. City ក្នុងលទ្ធផល ២-១ នៅកីឡដ្ឋាន Etihad កាលពីថ្ងៃអាទិត្យចុងសប្តាហ៍មុន។ទោះយ៉ាងណា Diallo បានបន្តរកគ្រាប់បាល់ក្នុងព្រឹត្តការណ៍ប្រកួតពានរង្វាន់ League Cup រឺ EFL Cup ប៉ុន្តែក្រុម Man.Utdនៅតែមិនអាចផ្តួលម្ចាស់ផ្ទះ Tottenham និងបានធ្លាក់ចេញត្រឹមវគ្គQuater Final(៨ក្រុមចុងក្រោយ)កាលពីថ្ងៃព្រហស្បត្ត៍ក្នុងលទ្ធផល Totenham ៤:៣ Man.Utd។
អតីតខ្សែប្រយុទ្ធដ៏ល្បីល្បាញសញ្ជាតិទ្រីនីដាតតូបាកូលោក Yorke បច្ចុប្បន្នមានវ័យ៥៣ឆ្នាំ និងធ្លាប់ឈ្នះពាន Premier League ៣សម័យកាលជាមួយ Man.Utd ព្រមទាំងពាន Uefa Champion League ជឿជាក់ថា Diallo នឹងក្លាយជាកីឡាករដំបូងដែលគ្រូបង្វឹកសញ្ជាតិព័រទុយហ្គាល់វ័យ ៣៩ឆ្នាំលោក Amorim អាចពឹងផ្អែកនៅក្នុងក្រុមរបស់គាត់ ខណៈដែល Fernandes គឺជាកីឡាករបន្ទាប់ ។
លោកYorke បន្ថែមថាៈ Diallo ជាកីឡាករមានអនាគតវែងឆ្ងាយនិង ចាំបាច់ត្រូវអភិវឌ្ឍសមត្ថភាពជាប់ជានិច្ចដើម្បីក្លាយខ្លួនជាកីឡាករសំខាន់នៅក្នុងក្រុមមិនអាចខ្វះបាន។ បន្ទាប់មកBruno Fernandes គាត់នៅតែជាកីឡាករល្អជាងគេម្នាក់ ប្រិយមិត្តគាំទ្រមិនត្រូវ ព្រងើយកន្តើយនឹងគុណភាពដែលកីឡាកររូបនេះមានសម្រាប់ក្រុមក្នុងនាមជាអ្នកដឺកនាំបានឡើយ។ខ្ញុំក៍ធ្លាប់និយាយថាលោក Amorim អាចដក Rashford ចេញពីក្រុម ប៉ុន្តែសម្រាប់ពីរនាក់នេះគាត់ មិនអាចធ្វើបានជាដាច់ខាត។
ប្រភព:Dailypost
ខ្សែប្រយុទ្ធស្លាបរបស់ក្រុម Borussia Dortmund គឺកីឡាករ Jamie Gittens ត្រូវបានគេរាយការណ៍ថា កំពុងសម្លឹងមើលការផ្ទេរទៅកាន់ក្របខណ្ឌ Premier League នៅទីផ្សាររដូវក្តៅខាងមុខនេះ។ កីឡាករវ័យ២០ឆ្នាំរូបនេះបានទទួលការចាប់អារម្មណ៍ពីក្រុម Arsenal និង Chelsea ព្រមទាំងក្រុម Liverpool, Spur និង Bayern Munich ផងដែរ។ Dortmund បានបញ្ជាក់ថាតម្លៃខ្លួនរបស់កីឡាកររូបនេះគឺមានតម្លៃរហូតដល់ទៅ១០០លានអឺរ៉ូឯណោះ៕អត្ថបទកំពុងចាប់អារម្មណ៍៖ Arsenal និង Chelsea កំពុងប្រជែងគ្នាក្នុងការចុះកុងត្រាលើខ្សែប្រយុទ្ធម្នាក់នៅទីផ្សារខាងមុខ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
