អង់គ្លេស៖ យោងតាមសារព័ត៌មានអេស្ប៉ាញ Fichajes បានឲ្យដឹងថា ខ្សែប្រយុទ្ធស្លាបឆ្នើម Alejandro Garnacho របស់ក្លឹបបិសាចក្រហម Manchester United បានក្លាយជាគោលដៅផ្ទេរកំពូលរបស់ក្លឹប Atletico Madrid នៅទីផ្សារដោះដូរខែមករា។ គួរកត់សម្គាល់ថា កីឡាករសញ្ជាតិអាហ្សង់ទីន Garnacho គឺជាកីឡាករដ៏ល្អបំផុតម្នាក់របស់ Man Utd នារដូវកាលថ្មីនេះផងដែរ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ទោះជាយ៉ាងណាក៏ដោយ កីឡាករវ័យ ២០ឆ្នាំ បានខកខានក្នុងក្រុមរបស់លោក Ruben Amorim សម្រាប់ការប្រកួត Manchester Derby ទល់នឹង Manchester City កន្លងទៅ។ ការសម្រេចចិត្តរបស់គ្រូ Amorim មិនមានប្រតិកម្មអ្វីឡើយ ខណៈ Man Utd បានយកឈ្នះក្នុងលទ្ធផល ២:១ ដោយសារតែការស៊ុតបញ្ចូលទីចុងក្រោយរបស់ Bruno Fernandes និង Amad Diallo។
គួរជម្រាបដែរថា គ្រូបង្វឹក Atletico លោក Diego Simeone កោតសរសើរយ៉ាងក្រៃលែងដល់ Garnacho ហើយជឿជាក់ថាគាត់អាចជាគន្លឹះក្នុងការពង្រឹងការវាយប្រហារប្រយុទ្ធនៅក្រុមរបស់គាត់។ លើសពីនេះទៀត Garnacho អាចជាអ្នកជំនួសដ៏ល្អឥតខ្ចោះសម្រាប់ Antoine Griezmann ដែលត្រូវបានគេរាយការណ៍ថាអាចចាកចេញពីក្លឹបនៅចុងបញ្ចប់នៃរដូវកាលនេះ៕
ប្រភព៖ SPORTbible
