ម្ចាស់ជើងឯកក្របខណ្ឌ EPL គឺ មេឃខៀវ Man.City និងត្រៀមប្រកួតប្រជែងជាមួយក្រុមហង្សក្រហម Liverpool នៅកីឡដ្ឋាន Anfield ដែលជាសមរភូមិវាលស្មៅដ៍ស្វិតស្វាញសម្រាប់ការប្រកួតដែលនិងធ្វើឡើងនៅវេលាម៉ោង១១យប់ថ្ងៃអាទិត្យទី ១ ធ្នូស្អែកនេះ។ប្រសិនជាក្រុមម្ចាស់ផ្ទះទទួលបានជ័យជម្នះសម្រាប់កាប្រកួតនេះនោះក្រុមលោក Arne Slot បង្កើនគម្លាតនៅលើកំពូលតារាងរហូតដល់ ១១ ពិន្ទុឯណោះ។សម្រាប់ Liverpool ៦ប្រកួតចុងក្រោយនៅក្របខណ្ឌ EPL ឈ្នះ៥ស្មើ១ឈរនៅលេខរៀងទី១ ខណៈ Man.City ឈរនៅលេខរៀងទី២សម្រាប់ការប្រកួតនៅក្របខណ្ឌ EPL ពោលគឺឈ្នះ៣ចាញ់៣ ប៉ុន្តែ៦ប្រកួតចុងក្រោយរបស់ Man.City នៅគ្រប់ក្របខណ្ឌប្រកួតមិនទាន់ស្គាល់ឈ្នះនោះទេ។
១.ប្រវត្តិជួបគ្នា
២១លើកនៅទឹកដី Liverpool ក្រុមMan.City ឈ្នះបានតែ១លើកគត់នៅខែកុម្ភៈឆ្នាំ២០២១ដោយលទ្ធផល ៤ទល់និង១ តែក្នុងនោះស្មើ៧ និងចាញ់ រហូតដល់ទៅ១៣លើក។អាចនិយាយបានថា៩ប្រកួតចុងក្រោយនៅទឹកដី Liverpool គឺពួកគេMan.City ឈ្នះតែ១លើកគត់។
២.ពត៌មានក្រុមLiverpool(ម្ចាស់ផ្ទះ)
បន្ទាប់ពីបានអង្គុយត្រឹមជាកីឡាករបម្រុងកំលុងការប្រកួតទល់និង Real Madrid ខ្សែការពារស្លាបស្តាំ Trent Alexander-Arnold ត្រៀមចូលមកជួយក្រុមឡើងវិញ បន្ទាប់ពី Conor Bradley មានបញ្ហារបួសសរសៃពួរការប្រកួតនៅក្នុងក្របខ័ណ្ឌ Champions League ។ខ្សែការពារ Bradley គឺជាក្តីបារម្ភថ្មីមួយក្នុងចំណោមក្តីបារម្ភថ្មីចំនួនពីរសម្រាប់ Liverpool កាលពីថ្ងៃពុធ ខណៈ Ibrahima Konate ក៏មានបញ្ហាជើង ដូច្នេះ Joe Gomez អាចចាប់ផ្តើម Premier League ដំបូងនៃរដូវកាលរបស់គាត់ជាមួយនឹងកាពីតែនក្រុម Virgil van Dijk ។ សម្រាប់ Federico Chiesa (កាយសម្បទា), Diogo Jota (ពោះ), Alisson Becker (សរសៃពួរ) និង Kostas Tsimikas (កជើង) ក៏មិនត្រូវបានគេរំពឹងថានឹងត្រលប់មកវិញនៅថ្ងៃទី ១ ខែធ្នូ ខណៈ Dominik Szoboszlai សនិងចូលលេងជំនួស Curtis Jones ។
-ជម្រើស១១នាក់ដំបូងអាចនិងចូលលេងKelleher; Alexander-Arnold, Gomez, Van Dijk, Robertson; Gravenberch, Mac Allister; Salah, Szoboszlai, Diaz; Nunez
-ទម្រង់លេងអាចនិងយកមកប្រើប្រាស់ ៤-២-៣-១
៣.ពត៌មានក្រុមMan.City(ភ្ញៀវ)
Man City មានភាពវិជ្ជមានក្រោយជាប់គាំងការប្រកួតទល់និង Feyenoord ខណៈ ខ្សែការពារសំខាន់ៗមានដូចជា Ruben Dias បានត្រលប់មកលេងជាប់ជាកីឡាករបម្រុងវិញបន្ទាប់ពីរបួសកំភួនជើង ។ចំណែកខ្សែបម្រើស្លាប Jeremy Doku (ភ្លៅ) ក៏ត្រលប់មកហ្វឹកហាត់វិញមុនការប្រកួត Champions League ត្រៀមវាយតម្លៃឡើងវិញមុនការប្រកួតចាប់ផ្តើមនៅថ្ងៃអាទិត្យ ប៉ុន្តែ John Stones (ជើង), Rodri (សរសៃពួរជង្គង់), Oscar Bobb (ជើង) និង Mateo Kovacic (មិនបានបញ្ជាក់) មិនអាចទាន់ចូលលេង។
លោក Guardiola បានដាក់អោយខ្សែបម្រើ Kevin De Bruyne ចូលលេងនៅពាក់កណ្តាលសប្តាហ៍ ប៉ុន្តែទាំងកីឡាករបែលហ្ស៊ិក និង Savinho អាចនិងលេងចាប់ដៃគូជាមួយMatheus Nunes បន្ទាប់ពីគាត់ត្រលប់មកពីជាសះស្បើយបញ្ហារបួសវិញ។
-ជម្រើស១១នាក់ដំបូងអាចនិងចូលលេងEderson; Walker, Akanji, Dias, Ake; Nunes, Gundogan, De Bruyne; Silva, Haaland, Savinho
-ទម្រង់លេងអាចនិងយកមកប្រើប្រាស់ ៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Liverpool ២ :៣ Man.City
ប្រភព:whoscored &sportsmole &theanalyst &givemesport
