អ្នកចាត់ការទូទៅក្រុមបិសាចក្រហម Man. United លោក Ruben Amorim កំពុងពិចារណាដាក់បញ្ចូលកីឡាករយុវជនថ្នាលរបស់ក្លឹបវ័យក្មេងពីររូបទៅក្នុងក្រុមមុនពេលធ្វើការប្រកួតពានរង្វាន់ Europa League របស់ពួកគេជាមួយនឹងក្រុម Bodo/Glimt របស់ន័រវេនៅរាត្រីថ្ងៃព្រហស្បត្ត៍ស្អែកនេះ។
ប្រភពពីគេហទំព័រ Manchester Evening News បានចុះផ្សាយថាៈ គ្រូបង្វឹកសញ្ជាតិព័រទុយហ្គាល់បច្ចុប្បន្នមានវ័យ ៣៩ឆ្នាំលោក Amorim កំពុងពិចារណានាំយកកីឡាករវ័យក្មេង Jack Kingdon សញ្ជាតិស្កុតឡេនមានវ័យទើបតែ១៩ឆ្នាំ លេងតួនាទីនៅខ្សែការពារអោយមានឱកាសបង្ហាញខ្លួនចូលលេងឈុតធំជាលើកដំបូងក្នុងអាជីព។
មួយវិញទៀតកីឡាករ Godwill Kukonki មានវ័យទើបតែ១៦ឆ្នាំ លេងតួនាទីបម្រើ-ការពារ ក៏ស្ថិតក្នុងបញ្ចីឈ្មោះត្រៀមចូលរួមការប្រកួតព្រឹត្តការណ៍បាល់ទាត់អាជីពដ៍ធំទីពីររបស់ទ្វីបអឺរ៉ុបផងដែr ពោលគឺបន្ទាប់ពីកីឡាករអន្តរជាតិអង់គ្លេសរូបនេះ ធ្លាប់បានធ្វើដំណើរជាមួយក្រុមលោក Amorim ទៅធ្វើការប្រកួតជាមួយម្ចាស់ផ្ទះ(អ៊ីបស្វ៊ិច ថោន) Ipswich town កាលពីចុងសប្តាហ៍មុននោះ ។
Man.United និងស្វាគមន៍ក្រុម Bodo/Glimt របស់ន័រវេសក្នុងការប្រកួតលើកទីប្រាំរបស់ពួកគេខណៈបច្ចុប្បន្នក្រុមកំពុងឈរនៅលេខរៀងទី ១៥ ក្នុងតារាង Europa League ដោយបានឈ្នះត្រឹមតែមួយប្រកួតប៉ុណ្ណោះ ខណៈក្រុមមានត្រឹមតែបីពិន្ទុប៉ុណ្ណោះ ឃ្លាតពីកៅអីស្វ័យប្រវត្តិត្រៀមឆ្លងទៅវគ្គ១៦ ក្រុមចុងក្រោយ ខណៈគូប្រជែងពួកគេឈរនៅលេខរៀងទី១៣។
ប្រភព:Dailypost
