អេស៉្បាញ៖ ខ្សែប្រយុទ្ធសញ្ជាតិប្រេស៊ីល Vinicius Junior នឹងអវត្តមានក្នុងជំនួប Real Madrid ដែលត្រូវប៉ះម្ចាស់ផ្ទះហង្សក្រហម Liverpool នាថ្ងៃស្អែកនេះ ក្នុងពានរង្វាន់ UEFA Champions League ដោយសារតែបញ្ហារបួសសរសៃពួរ។
ជាមួយគ្នានេះ បញ្ហារបួសសរសៃពួរ គឺនៅអំឡុងពេលរូបគេលេងពេញម៉ោង រួមចំណែកជួយក្រុមអធិរាជស Real Madrid បំបាក់ម្ចាស់ផ្ទះ Leganes ៣-០ កាលពីរាត្រីថ្ងៃអាទិត្យក្នុងលីគ La Liga ដែលប្រឈមមុខនឹងការអវត្តមានចាប់ពី ៣ទៅ៤សប្តាហ៍ ឯណោះ។ ទន្ទឹមនឹងនេះ ម្ចាស់ជើងឯក UCL រដូវកាលមុន Real Madrid មានសមាជិកតែ ១៩នាក់ប៉ុណ្ណេាះ ក្នុងការតតាំងនៅកីឡដ្ឋាន Anfield ប្រទេសអង់គ្លេសនៅរាត្រីថ្ងៃពុធ ក្នុងប្រកួតទី៥ ជើងទី១ ដ្បិតពួកគេកំពុងឈរនៅលេខរៀងទី១៨ បណ្តោះអាសន្ន ក្នុងចំណោម ៣៦ក្រុម នៃរដូវកាលឆ្នាំ២០២៤/២០២៥ ។
ទន្ទឹមគ្នានោះ ក្រុមរបស់លោក Arne Slot ក៏ទំនងអវត្តមានខ្សែការពារ Trent-Alexander-Arnold ដោយសាររបួស ក្នុងការស្វាគមន៍ជើងឯក UCL ១៥សម័យកាលមកពីអេស្ប៉ាញដែរ៕
