ជាថ្មីម្តងទៀត Paul Pogba កំពុងបន្តការពិភាក្សាចរចារដើម្បីបញ្ចប់កិច្ចសន្យារបស់គាត់ជាមួយ Juventus ខណៈដែលអតីតសិស្សច្បងរបស់ខ្លួនគឺ Luis Saha យល់ថាក្លឹបបិសាចក្រហមMan. United ជាទីកន្លែងដែលរូបគេគួរតែផ្លាស់ទៅចូលរួមសាជាថ្មីម្តងទៀត ។គួររំលឹកថា Pogba គ្រោងនឹងត្រលប់មកបន្តអាជីពជាកីឡាករម្តងទៀតនៅដើមឆ្នាំ២០២៥ខាងមុខនេះ បន្ទាប់ពីរូបគេរួចផុតពីបម្រាមក្រោយរកឃើញលទ្ធផលវិជ្ជមានសាជាតិញៀនហាមឃាត់។អតីតខ្សែបម្រើក្រុមមាន់គកបារាំងរូបនេះបានចាកចេញពី Man Utd នៅរដូវក្តៅឆ្នាំ ២០២២ ហើយផ្លាស់ទៅអតីតក្លឹបនៅលីកកំពូលSerie A គឺJuventus ជាមួយសុពលភាពកុងត្រាបច្ចុប្បន្នរហូតដល់ខែមិថុនា ឆ្នាំ ២០២៦។

គួរកត់សម្គាល់ផងដែរថាមានពាក្យចចាមអារ៉ាមជាច្រើនលើកឡើងជុំវិញក្លឹបដែលចង់បំពេញការចុះហត្ថលេខានាំយកកីឡាករវ័យ ៣១ ឆ្នាំរូបនេះមករួមក្រុមមានដូចជាOlympic Marseille និងនៅអារ៉ាប៊ីសាអូឌីតផងដែរ។ផ្ទុយទៅវិញអតីតខ្សែប្រយុទ្ធរបស់ក្លឹប Man.Utd លោក Louis Saha បានលើកឡើងថា ការត្រលប់ទៅកាន់ទឹកដី Old Trafford និងធ្វើអោយPogba ពង្រឹងសមត្ថភាព ក៏ដូចជាស្តារកេរ្ត៍ឈ្មោះឡើងវិញបាន។

អតីតខ្សែប្រយុទ្ធដែលធ្លាប់លេងអោយ Man.Utd ចន្លោះឆ្នាំ២០០៤ ដល់ ២០០៨ បានលើកឡើងយ៉ាងដូច្នេះថាៈ Paul Pogba អាចទៅកន្លែងណាដែលគាត់ចង់ទៅ។ ប្រសិនគាត់ចង់ស្តារទេពកោសល្យរបស់គាត់ម្តងទៀត មនុស្សគ្រប់គ្នា និងទទួលស្គាល់ថាគាត់អាចបញ្ចេញសមត្ថភាពពិសេសបែបណា។គាត់អាចលេងនៅ Champions League គាត់អាចលេងឱ្យប្រទេសបារាំង ហើយខ្ញុំជាអ្នកគាំទ្រគាត់។ គាត់នឹងមានការលើកទឹកចិត្តខ្លាំងនៅពេលគាត់ត្រលប់ទៅOld Trafford វិញ។ ខ្ញុំចង់ឃើញគាត់មានវត្តមានលេងនៅ Man. United ជាលើកទី៣។យើងបានឃើញច្បាស់ថាការចាកចេញរបស់គាត់បានធ្វើអោយក្រុម(តំបន់បម្រើកណ្តាល)ពិបាកគ្រប់គ្រង ប៉ុំណ្ណានោះ។

ប្រភពៈ Sportbible