បរទេស៖ កីឡាករ Lucas Paqueta របស់ក្លឹប West Ham United ប្រឈមមុខនឹងការពិន័យមិនឲ្យចូលលេងពេញមួយជីវិត ខណៈសហព័ន្ធបាល់ទាត់របស់អង់គ្លេសហៅកាត់ថា FA កំពុងសើបអង្កេតលើខ្សែប្រយុទ្ធរូបនេះក្នុងករណីភ្នាល់។ FA សង្ស័យថា ការទទួលបានកាត់លឿនចំនួន៤លើករបស់ខ្សែប្រយុទ្ធរូបនេះទល់នឹងក្រុម Bournemouth, Aston Villa, Leed និង Leicester សុទ្ធសឹងតែពាក់ព័ន្ធករណីរូបគេភ្នាល់នៅក្នុងប្រទេសប្រេសុីល។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ការភ្នាល់ប្រមាណជា៦០ពាក់ព័ន្ធការពិន័យកាតលឿង និងត្រូវគេសង្ស័យថា មានទឹកប្រាក់ប្រមាណជា៧ផោន ទៅ៤០០ផោន ជាមួយនឹងតម្លៃឈ្នះសរុប ១០០,០០០ផោន ឯណោះ។ បច្ចុប្បន្នមន្ត្រីអង់គ្លេសកំពុងធ្វើឲ្យពិនិត្យ និងឆែក លើទូរសព្ទរបស់ខ្សែប្រយុទ្ធរូបនេះក្នុងរយៈពេល៨សប្តាហ៍ចុងក្រោយ ដែលនិងឆែករកក្នុងការតេចេញ-ចូល និងឆាតចាស់ៗ ព្រមទាំងកុងធនាគាររបស់រូបគេផងដែរ។ ទោះបីជាយ៉ាងណាបើយោងទៅតាមការចុះផ្សាយដោយ The Sun បានបញ្ចាក់ថា ខ្សែប្រយុទ្ធរូបនេះបានធ្វើការផ្លាស់ប្តូរនូវទូរសព្ទរបស់ខ្លួនរួចទៅហើយពេលរូបគេវិលទៅប្រទេសអង់គ្លេសវិញ។ បច្ចុប្បន្ន FA កំពុងពន្លឿនការសើបអង្កេតករណីមួយនេះ ហើយបើតាមរបាយការណ៍ខាង ក្នុងការករណីដែលរកឃើញខ្សែប្រយុទ្ធរូបនេះពិតជាមានការពាក់ព័ន្ធការកោតប្រកាន់មែននោះរូបគេប្រឈមការពិន័យមិនឲ្យចូលលេងពេញមួយជីវិត៕
