គោលបំណងរបស់ក្រុមតោកំណាចអង់គ្លេសសម្លឹងចង់បានជ័យជំនះលើកទី៣ជាប់គ្នាក្រោមការដឹកនាំរបស់គ្រូបង្វឹកបណ្តោះអាសន្នលោក Lee Carsley ត្រៀមទទួលភ្ញៀវក្រិកនៅ កីឡដ្ឋានWembley សម្រាប់ការប្រកួតក្របខណ្ឌUefa Nation League Group ២ វេលាម៉ោង១និង៤៥នាទីឈានចូលថ្ងៃសុក្រ។សម្រាប់២ប្រកួតចុងក្រោយរបស់ក្រិកគឺធ្វើបានល្អនៅ Uefa Nation League ដោយឈ្នះ ២ ប្រកួតជាប់គ្នា(ផ្តួលសាធារណៈរដ្ឋអៀឡង់២ទល់និង០ និងផ្តួលហ្វាំងឡង់៣ទល់និង០)ខណៈអង់គ្លេសក៏ប្រកួតឈ្នះ២លើកជាប់គ្នាផងដែរ(ឈ្នះហ្វាំងឡង់២ទល់និង០ និងឈ្នះសារធារណៈរដ្ឋអៀឡង់២:0)
១.ប្រវត្តិជួបគ្នា
ជួបគ្នា៣លើកចុងក្រោយ អង់គ្លេសឈ្នះ២ស្មើ១ ខណៈការប្រកួតមិត្តភាពចុងក្រោយនៅខែ សីហា ២០០៦អង់គ្លេសផ្តួលក្នុងលទ្ធផល ៤ទល់និង០។
២.ពត៌មានក្រុមអង់គ្លេស(ម្ចាស់ផ្ទះ)
ខណៈដែល Ezri Konsa, Morgan Gibbs-White និង Kobbie Mainoo ទាំងអស់ត្រូវបានដកខ្លួនចេញ ដោយសារបញ្ហារបួស មេទ័ពប្រចាំក្រុម(ប្រធានក្រុម) និងជាកីឡាករស៊ុតបញ្ចូលទីកំណត់ត្រា Kane ត្រូវបានផ្តល់ភ្លើងខៀវត្រលប់មកបង្ហាញខ្លួនកាតព្វកិច្ចអោយជម្រើសជាតិក្រោយពីសង្ស័យបញ្ហារបួសឱ្យ Bayern Munich ។
ទោះយ៉ាងណាគ្រូបង្វឹកនិងអាចដាក់ Ollie Watkins ឬ Dominic Solanke ចូលលេងជំនួស Kane។ ក្រៅពីនេះកីឡាករឆ្នើម Kyle Walker, Phil Foden, Jude Bellingham និង Cole Palmer ដែលពួកគេបានបាត់ខ្លួនពីក្រុមកាលពីខែកញ្ញាដោយសារហេតុផលផ្សេងៗ និងត្រៀមបញ្ចេញសមត្ថភាពជាមួយខ្សែការពារស្លាបស្តាំ Trent Alexander-Arnold
-ជម្រើស១១នាក់ដំបូងអាចនិងចូលលេងPickford; Alexander-Arnold, Guehi, Colwill, Lewis; Rice, Bellingham; Saka, Palmer, Grealish; Watkins
-ទម្រង់លេងអាចនិងយកមកប្រើប្រាស់ ៤-២-៣-១
៣.ពត៌មានក្រុមក្រិក(ភ្ញៀវ)
អតីតគ្រូបង្វឹក Panathinaikos លោក Ivan Jovanovic ទើបតែចូលកាន់តំណែងកាលពីខែសីហា ក្នុងនាមជាគ្រូបង្វឹកអចិន្ត្រៃយ៍ជំនួសលោក Gus Poyet ខណៈបុរសវ័យ ៦២ ឆ្នាំព្យាយាមបញ្ចប់លទ្ធផលមិនដែឡឈ្នះការប្រកួត១២ លើករបស់ក្រិកទល់នឹងប្រទេសដែលមានចំណាត់ថ្នាក់បាល់ទាត់កំពូលទាំង ៥។
-ជម្រើស១១នាក់ដំបូងអាចនិងចូលលេងVlachodimos; Rota, Mavropanos, Koulierakis, Tsimikas; Siopis, Kourbelis; Masouras, Bakasetas, Tzolis; Pavlidis
-ទម្រង់លេងអាចនិងយកមកប្រើប្រាស់៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ អង់គ្លេស ១:០ ក្រិក
ប្រភព:whoscored &sportsmole
