Al Nassr បានបញ្ចប់កុងត្រារបស់អតីតខ្សែការពារស្លាបឆ្វេង Alex Telles ពោលគឺត្រឹមតែ ១២ ខែប៉ុណ្ណោះបន្ទាប់ពីអតីតកីឡាកររបស់ Manchester Unitedបានមកដល់ទឹកដី Saudi Pro League ក្នុងតម្លៃ ៤លានផោន ទោះយ៉ាងណាទំនាក់ទំនងរបស់Telles ជាមួយគ្រូបង្វឹកលោក Luis Castro បានធ្លាក់ចុះ ដែលជាដើមហេតុនៃការឈានដល់ផ្លូវបំបែកយោងប្រភពការចុះផ្សាយរបស់អ្នកជំនាញផ្នែកពត៌មានទីផ្សារដោះដូរកីឡាករសញ្ជាតិអ៊ីតាលីលោក Fabrizio Romano បានចុះផ្សាយកាលពីថ្ងៃចន្ទដើមខែកញ្ញានេះ។
គួរកត់សម្គាល់ថាកីឡាករអន្តរជាតិប្រេស៊ីល Telles បានចូលរួមជាមួយអតីតមិត្តរួមក្រុមបិសាចក្រហមគឺកំពូលខ្សែប្រយុទ្ធស្លាប Cristiano Ronaldo នាក្របខណ្ឌកំពូលប្រទេសអារ៉ាប៊ីសាអូឌីត ខណៈរូបគេបានចាប់ផ្តើមចូលលេងបានត្រឹមតែពីរប្រកួតប៉ុណ្ណោះនៅរដូវកាលនេះ។ បច្ចុប្បន្នមានវ័យ ៣១ឆ្នាំTelles ចូលលេងបាន ៣៨ ដងក្នុងរយៈពេល ១៤ ខែរបស់គាត់ដោយស៊ុតបញ្ចូលទីបាន 3 ដងក្នុងការប្រកួតទាំងអស់សម្រាប់ក្លឹប។
នៅមិនទាន់បានរលុបបាត់ពត៌មានចុះផ្សាយផង Telles បានសម្រេចព្រមព្រៀងផ្លាស់ទៅកាន់ក្លឹប Botafogo របស់ប្រេស៊ីលដោយគ្មានតម្លៃខ្លួន(Free Agent) ជាមួយនិងការត្រៀមចុះហត្ថលេខារយៈពេល ២ឆ្នាំកន្លះ យោងប្រភពពីGlobo Exporte បានចុះផ្សាយ។
ប្រភព:Dailypost
វីដេអូ:
(អង់គ្លេស)៖ នៅក្នុងការប្រកួតកាលពីយប់មិញនេះ ក្រុមកាំភ្លើងធំ Arsenal បានយកឈ្នះទៅលើក្រុមម្ចាស់ផ្ទះមាន់ខ្នាយមាស Tottenham Hotspurs ក្នុងលទ្ធផល ១ទល់នឹង០ បើទោះបីជា Arsenal គ្រប់គ្រងបាល់បានត្រឹមតែ ៣៦.៦% ក្នុងរយៈពេល ៩០នាទី ពេញក៏ដោយ។ ជាមួយគ្នានោះ ក្រោយខ្សែការពារ Gabriel Magalhães រកបានគ្រាប់បាល់ ១គ្រាប់ នៅនាទីទី៦៤មក Arsenal លេងយុទ្ធសាស្រ្តការពារដូចទៅនឹងក្បួនរបស់លោក Jose Mourinho ផងដែរ។ គួរជម្រាបដែរថា ជ័យជម្នះនេះជួយឲ្យ Arsenal ឈរនៅលេខ២ ក្នុងតារាង Premier Leagues ២០២៤/២៥ បណ្តោះអាសន្ន ស្របពេលក្រុមមេឃខៀវ Manchester City ឈរនៅកំពូលតារាង៕អត្ថបទកំពុងចាប់អារម្មណ៍៖ អេមហួស! Yamal ស៊ុតបញ្ចូលទី ២គ្រាប់ ជួយឲ្យ Barcelona រក្សាភាពមិនចាញ់សោះនៅដើមរដូវកាល (មានវីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស […]
