ក្រោយការចាកចេញរបស់កីឡាករNacho និង Rafa Marin បានធ្វើអោយក្រុមមានចន្លោះប្រហោងនៅតំបន់ការពារ ដូច្នេះក្រុមអធិរាជស Real Madrid កំពុងបង្កើនសកម្មភាពចរចារចុះហត្ថលេខានាំយកខ្សែការពារកណ្តាលថ្មីម្នាក់ទៀតមករួមក្រុមក្រោយខកខាននាំយកកីឡាករ Leny Yoro របស់ក្លឹប Lille ដែលសម្រេចផ្លាស់ទៅកាន់ក្លឹបបិសាចក្រហម Man.Utd ទៅហើយនោះ ។
ទោះយ៉ាងណាមានកីឡាករ២រូបដែលក្រុមលោក Carlo Ancelloti កំពុងតាមដានយ៉ាងយកចិត្តទុកដាក់នោះគឺ សមាជិកជ័យលាភី Euro ២០២៤ កីឡាករ Aymeric Laporte របស់ក្រុម Al- Nassr បច្ចុប្បន្នមានវ័យ ៣០ឆ្នាំ ។
ទី២Nico Schlotterbeck បច្ចុប្បន្នមានវ័យ ២៤ឆ្នាំរបស់ក្រុម Borussia Dortmund(កីឡាករអន្តរជាតិអាឡឺម់ង់រូបនេះមានជំនាញប្រើប្រាស់ជើងឆ្វេងបានយ៉ាងស្ទាត់ជំនាញទោះបីជាលេងតួនាទីការពារកណ្តាល ដូច្នេះអាចនិយាយបានថារូបគេក៏អាចលេងនៅទម្រង់ការពារ-ស្លាបឆ្វេងបានដែរ។
ការពិត Real Madrid មានបំណងចង់បានខ្សែការពារYoro របស់ Lilleដើម្បីយកមកប្រដុំប្រសង និងលេងចាប់ដៃគូគ្នាជាមួយ Eder Militao, Antonio Rudiger និង David Alaba ។ ទោះជាយ៉ាងណាអ្វីដែលធ្វើអោយពួកគេខកចិត្តគឺ Real Madrid មិនចង់បង់ថ្លៃផ្ទេរដ៏ច្រើននោះទេ ហើយសង្ឃឹមថាអាចផ្ទេរយក Yoro ដោយគ្មានតម្លៃខ្លួននៅឆ្នាំក្រោយជាមួយការផ្តល់ជូននូវកិច្ចសន្យាយូរអង្វែង និង ផលប្រយោជន៏ផ្សេងទៀត តែផ្ទុយទៅវិញការចូលមកប្រជែងរបស់ Man. United បានធ្វើអោយពួកគេទទួលបានជោគជ័យក្នុងការនាំយក Yoro មករួមក្រុមក្នុងតម្លៃ៦២លានយូរ៉ូជាផ្លូវការណ៏រួចបាត់ទៅហើយ។
ប្រភព:dailypost & yahoo
វីដេអូ: Aymeric Laporte
វីដេអូ: Nico Schlotterbeck
