កីឡាករវ័យជំទង់ Arda Guler បានស៊ុតបាល់បញ្ចូលទីក្នុងការប្រកួតពានរង្វាន់ទ្វីបអឺរ៉ុបEuro ២០២៤ជាលើកដំបូងរបស់គាត់ ខណៈទួរគីបានផ្តួលប្រទេសដែលទើបមានវត្តមានលេងនៅព្រឹត្តិការណ៏ដ៏ធំរបស់ទ្វីបអឺរ៉ុបមួយនេះជាលើកដំបូងគឺ​ ចរចៀ សម្រាប់ការប្រកួតក្នុងពូល F ដែលធ្វើឡើងនៅទីក្រុង Dortmund កាលពីយប់ថ្ងៃអង្គារ។ ហ្សកហ្ស៊ី ដែលបានឆ្លងកាត់ការប្រកួតជម្រុះដ៏ល្អគួរសមនោះ មិនមែនជាក្រុមងាយផ្តួលនោះទេខណៈដែលពកគេបានបើកការប្រកួតដ៏ស្វិតស្វាញ និង ​អង់អាច។ ទោះយ៉ាងណា ក្រុមតួគីនៅតែមានឱកាសរកបានគ្រាប់បាល់ជ័យជំនះតាមរយៈកីឡាករMuldur ,Guler និង Akturkoglu នៅនាទីទី ២៥, ៦៥ និង ៩០+៧ ខណៈចរចៀកីមានឪកាសវាយបកតដៃបាន១គ្រាប់វិញដោយកីឡាករំMikautadze នៅនាទីទី៣២។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

សម្រាប់ Guler បន្ទាប់ពីក្លាយជាកីឡាករទួរគីដំបូងគេដែលឈ្នះពានរង្វាន់ Champions League ក្នុងខែមិថុនា កីឡាករដែលត្រូវបានមជ្ឈដ្ឋានបាល់ទាត់ចាត់ និង ដាក់រហស្សនាមថាជា Messi តួគីនោះ មានឪកាសបង្ហាញខ្លួនសម្រាប់ក្រុមជម្រើសជាតិក្នុងព្រឹត្តិការណ៏Euro ២០២៤ ។

នៅវ័យត្រឹមតែ១៩ ឆ្នាំ ១១៤ ថ្ងៃ Gulerបានក្លាយជាកីឡាករក្មេងបំផុតដែលអាចរកគ្រាប់បាល់បានក្នុងការប្រកួតដំបូងរបស់គាត់ ដោយបានបំបែកកំណត់ត្រារៀមច្បង Cristiano Ronaldo ធ្លាប់បង្ហាញខ្លួននៅវ័យត្រឹមតែ ១៩ ឆ្នាំ និង ១២៨ ថ្ងៃកំលុងការប្រកួតជាមួយក្រិកក្នុងឆ្នាំ ២០០ ក្នុងនាមមាតុភូមិព័រទុយហ្គាល់ជាម្ចាស់ផ្ទះ ។