(អង់គ្លេស)៖ ខ្សែបម្រើជម្រើសជាតិអង់គ្លេស Jordan Henderson ជិតនឹងចូលរួមជាមួយក្រុម Ajax ក្នុងការផ្លាស់ប្តូរជាអចិន្ត្រៃយ៍ ដោយកិច្ចសន្យារបស់គាត់នៅក្លឹបអារ៉ាប៊ីសាអូឌីត Al-Ettifaq អាចនឹងបញ្ចប់មុនកំណត់។ យ៉ាងណាមិញ ខ្សែបម្រើវ័យ ៣៣ឆ្នាំ បានចុះហត្ថលេខាលើកិច្ចសន្យារយៈពេល ៣ ឆ្នាំ ដែលមានតម្លៃ ៧០០,០០០ផោន ក្នុងមួយសប្តាហ៍ជាមួយ Al-Ettifaq បន្ទាប់ពីបានចាកចេញពីក្រុមហង្សក្រហម Liverpool ក្នុងកិច្ចព្រមព្រៀង ១២លានផោន ក្នុងខែកក្កដា នាឆ្នាំទៅមិញនេះ។
ទោះជាយ៉ាងណា របាយការណ៍បានលើកឡើងថា ដោយសារតែសម្ពាធផ្លូវចិត្ត រូបគាត់ចង់ត្រឡប់ទៅក្លឹបនៅអឺរ៉ុបវិញ ដោយគាត់បានបង្ហាញខ្លួនត្រឹមតែ ១៧លើកប៉ុណ្ណោះនៅ Saudi Pro League។ រំលឹកផងដែរថា កាលពី Henderson ផ្លាស់ទៅក្លឹបអារ៉ាប់ដំបូង រូបគាត់ទទួលបានពាក្យរិះគន់ពីសំណាក់អ្នកគាំទ្រយ៉ាងចាស់ដៃតែម្តង។ គួរជម្រាបដែរថា ប្រសិនបើកិច្ចព្រមព្រៀងត្រូវបានបញ្ចប់យ៉ាងឆាប់រហ័សនោះ Henderson អាចនឹងបង្ហាញខ្លួនជាលើកដំបូងសម្រាប់ក្រុមយក្សហូឡង់ទល់នឹង RKC Waalwijk នៅ Eredivisie នៅថ្ងៃអាទិត្យសប្តាហ៍នេះ៕
ប្រភព៖ BBC & Fabrizio R0mano
កាលពីថ្ងៃអង្គារក្រុមអ្នកគាំទ្រ Crystal Palace បានធ្វើការតវ៉ាប្រឆាំងនឹងការសម្រេចចិត្តរបស់ UEFA ក្នុងការទម្លាក់ក្លឹបរបស់ពួកគេអោយទៅលេងនៅក្របខណ្ឌលីកកំពូលទីបីទ្វីបអឺរ៉ុប Conference League ឯណោះវិញ ។ គួរកត់សម្គាល់ថាអ្នកគាំទ្ររាប់រយនាក់បានដើរដង្ហែទៅកាន់ទីលាន Selhurst Park របស់ក្លឹបដោយកាន់បដា និងស្រែកប្រឆាំងនឹងស្ថាប័នគ្រប់គ្រងបាល់ទាត់កំពូលរបស់អឺរ៉ុបមួយនេះ។ គួររំលឹកថាក្រុមរហស្សនាមស្ទឹខៀវបានក្លាយជាបេក្ខភាពដែលមានលក្ខណៈគ្រប់គ្រាន់សម្រាប់ចូលរួមព្រឹត្តការណ៍ពានធំទីពីរបស់អឺរ៉ុបគឺ Europa League ក្រោយយកឈ្នះពានរង្វាន់ FA Cup ក្នុងខែឧសភា ដែលជាពានរង្វាន់ធំដំបូងរបស់ពួកគេជាប្រវត្តិសាស្រ្តនៅក្នុងស្រុក ។ទោះយ៉ាងណាUEFA បានសម្រេចដកសិទ្ធិចូលរួម Europa league បន្ទាប់ពីរកឃើញថាម្ចាស់ក្លឹបបានបំពានច្បាប់កម្មសិទ្ធិពហុក្លឹបនោះព្រោះតែអ្នកជំនួញជនជាតិអាមេរិកលោក John Textor ជាម្ចាស់ភាគហ៊ុននៅក្នុង Crystal Palace និងជាម្ចាស់ភាគច្រើននៃក្លឹបបារាំង Lyonផងដែរ ។ ក្លឹប Nottingham Forest ដែលបានបញ្ចប់រដូវកាលឈរនៅលេខរៀងទី7ដែលជាបេក្ខភាពមកពីក្លឹប្រជែងលីកEPLអាចនិងចូលមកជំនួសតំណែងមួយនេះនៅ Europa League ជំនួសវិញ ។អត្ថបទកំពុងចាប់អារម្មណ៍៖ Crystal Palace កំពុងធ្វើរឿងសំខាន់២ចំនុចក្រោយ UEFA ដកកៅអី Europa League សូម Subscribe Telegram របស់ […]
