ខ្សែបម្រើអន្តរជាតិហូឡង់ Donny van de Beek របស់ក្រុមបិសាចក្រហម Man. United បានបញ្ចប់ការផ្ទេរទៅ Eintracht Frankfurt ក្នុងលក្ខខណ្ឌខ្ចី​ជើងរហូតដល់បញ្ចប់រដូវកាល ២០២៣-២០២៤នេះ។គួររំលឹកថាកីឡាករវ័យ ២៦ ឆ្នាំនឹងចូលរួមជាមួយក្រុមនៅលីកកំពូល Bundesliga សម្រាប់ពេលវេលាដែលនៅ​សល់នៃរដូវកាលនេះ ជាមួយនឹងជម្រើសក្នុងការផ្ទេរទៅជាកិច្ចព្រមព្រៀងជាអចិន្ត្រៃយ៍តែម្តង។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

Van de Beek មិនមានសំណាងនោះទេដោយចូលលេងនៅក្របខណ្ឌ Premier League បានត្រឺមតែប្រាំមួយដងសម្រាប់ Man United ចាប់តាំងពីចុះហត្ថលេខាពី Ajax ក្នុងតម្លៃ ៣៥ លានផោនក្នុងខែកញ្ញា ឆ្នាំ ២០២០កន្លងទៅ ស្របពេលអ្នកចាត់ការ Erik ten Hag បាននិយាយថាកាលពីពេលថ្មីៗនេះ ថាកីឡាករអន្តរជាតិហូឡង់​រូបនេះ​ត្រូវការការផ្លាស់ប្តូរក្លឹបមួយដើម្បីស្តារអាជីពរបស់គាត់ឡើងវិញ។
ប្រភព:BBC