អ្នកចាត់ការទូទៅដ៏ល្បីល្បាញលោក Jose Mourinho បានទទួលស្គាល់ថារូបលោកកំពុងស៊ូទ្រាំនឹងការចាប់ផ្តើមរដូវកាលដ៏អាក្រក់បំផុតក្នុងនាមអាជីពជាគ្រូបង្វឹកក្រោយពីក្រុមភ្ញៀវ Roma របស់ខ្លួនបានប្រកួតចាញ់ក្រុមម្ចាស់ផ្ទះ Genoa ដោយលទ្ធផល ៤ទល់និង ១កាលពីថ្ងៃព្រហស្បត្ត៏។មានន័យថាលទ្ធផលបរាជ័យនេះគឺសរុប ៣លើកហើយសម្រាប់ការចាប់ផ្តើមដឹកនាំលីកកំពូលអ៊ីតាលី SerieA ៦លើកដំបូង ហើយបានរុញអោយក្រុមដែលមានមូលដ្ឋាននៅរដ្ឋធានី Rome ធ្លាក់ទៅឈរនៅលេខរៀងទី១៦និងទទួលបានលទ្ធផលត្រឹមតែ ៥ ពិន្ទុប៉ុណ្ណោះ។ Mourinho ធ្លាប់បានដឹកនាំ Porto, Chelsea, Real Madrid, Inter Milan, Man. United និង Tottenham ហើយបានចូលកាន់តំណែងនៅ Roma ក្នុងឆ្នាំ ២០២១។គាត់បានឈ្នះពានរង្វាន់ Europa Conference League ក្នុងឆ្នាំ ២០២២ ខណៈដែលគាត់បានដឹកនាំក្លឹបអ៊ីតាលីឱ្យឈ្នះពានរង្វាន់ជាលើក ដំបូងក្នុងរយៈពេល ១៤ ឆ្នាំ។
Roma បានបញ្ចប់ក្នុងចំណាត់ថ្នាក់លេខ ៦ ក្នុងក្របខ័ណ្ឌ Serie A កាលពីរដូវកាលមុន ហើយបានក្លាយជាជើងឯករងក្នុងក្របខ័ណ្ឌ Europa League ដោយចាញ់ដោយការស៊ុតបាល់ប៉េណាល់ទីទល់នឹងក្រុម Sevilla នៅវគ្គផ្តាច់ព្រ័ត្រ។អ្នកចាត់ការសញ្ជាតិព័រទុយហ្គាល់បានបញ្ជាក់យ៉ាងដូច្នេះថាៈ យើងត្រូវឆ្ពោះទៅមុខហើយមិនគួរចំណាយពេលវេលាមកអង្គុយសោកសៅនោះទេ ។តែការពិតលទ្ធផលនេះបានប៉ះពាល់ដល់អារម្មណ៍ខ្ញុំជាពិសេសដោយសារទំនាក់ទំនងរបស់ខ្ញុំជាមួយអ្នកគាំទ្រតែម្តង។យើងនិងខិតខំធ្វើការអោយល្អ សម្រាប់ការប្រកួតនៅថ្ងៃស្អែកបន្តទៀត។ Roma និងត្រូវធ្វើការប្រកួតលីកកំពូលអ៊ីតាលីជាបន្ទាប់ទៀតរបស់ពួកគេដើម្បីស្តារមុខមា់បស់ពួកគេនឹងធ្វើនៅថ្ងៃអាទិត្យនៅផ្ទះជាមួយ Frosinone។
ប្រភព:BBC
វីដេអូ:
