បើទោះបីជាធ្លាប់ប្រកាសពីការចូលនិវត្តន៏ប៉ុន្តែទីបំផុតអ្នកចាំទី Andre Onana របស់ក្រុមបិសាចក្រហម Man. United ត្រូវបានកោះហៅទៅក្នុងក្រុមជម្រើសជាតិកាមេរូនសម្រាប់ការប្រកួតជម្រុះ Africa Cup of Nations ចុងក្រោយរបស់ពួកគេ។ការប្រកាសនេះធ្វើឡើងរយៈពេលប្រាំបួនខែបន្ទាប់ពីគាត់ត្រូវបានសហព័ន្ធប្រទេសរបស់គាត់ព្យួរមិនបានចូលរួមការប្រកួតនៅកំលុងនៃពាក់កណ្តាលព្រឹត្តការណ៏ប្រកួត World Cup ឆ្នាំ ២០២២ នៅប្រទេសកាតាក្រោយពីមានបញ្ហាវិន័យជាមួយគ្រូបង្វឹកកាមេរ៉ូនលោក Rigobert Song។
Onana វ័យ ២៧ ឆ្នាំអតីតយុវជនថ្នាលក្លឹប Barcelona ដែលបានផ្លាស់ពីInter Milan មកកាន់ទឹកដី Old Trafford ក្នុងខែកក្កដា ជាមួយឪកាសទទួលបានតំណែងជម្រើសដំបូងបន្ទាប់ពី David De Gea បានចាកចេញក្រោយចំណាយពេល១២ឆ្នាំ។ក្នុងការវិលត្រលប់មកវិញ អតីតកីឡាករ Ajax ត្រៀមបញ្ចេញសមត្ថភាពជាមួយក្រុម Burundi ក្នុងវគ្គជម្រុះពូល C នៅថ្ងៃទី ១២ ខែកញ្ញា មុនការប្រកួតវគ្គផ្តាច់ព្រ័ត្រនៅទ្វីបអាហ្រ្វិកឆ្នាំក្រោយ ដែលត្រូវធ្វើជាម្ចាស់ផ្ទះដោយ Ivory Coast ក្នុងខែមករា និងកុម្ភៈ ២០២៤។
ប្រភព:BBC
វីដេអូ:
