កីឡាករ Virgil van Dijk ត្រូវបានសមាគមបាល់ទាត់អង់គ្លេស(FA)ធ្វើការដាក់ពិន័ួ និងចោទប្រកាន់ពីបទប្រើប្រាស់ពាក្យសម្តីមិនសមរម្យបន្ទាប់ពីរូបគេបានប៉ះពាក្យសម្តីជាមួយអាជ្ញាកណ្តាល លោក John Brooks ក្រោយទទួលបានកាតក្រោមនៅត្រឹមនាទីទី២៩ កំលុងពេល Liverpoolផ្តួលម្ចាស់ផ្ទះ Newcastle ដោយលទ្ធផល២ទល់និង១នៅកីឡាដ្ឋាន St.James’s Park កាលពីថ្ងៃអាទិត្យ។
សហព័ន្ធបាល់ទាត់អង់គ្លេសFA បានបញ្ចាក់ថាៈ ក្រោយការពិនិត្យលើ VAR និង សកម្មភាពជាក់ស្តែង ខ្សែការពារឆ្នើមក្រុមជម្រើសជាតិហូឡង់ Van Dijk បានប្រើប្រាស់ពាក្យសម្តីប្រមាថ និង មាក់ងាយដាក់អាជ្ញាកណ្តាល ដោយយោងលើច្បាប់ FA ចំនូច E៣.១។ មួយវិញទៀត អតីតកីឡាករ Southampton វ័យ ៣២ ឆ្នាំត្រូវបានរកឃើញថាបានប្រកែកជាមួយមន្ត្រីជំនួយការអាជ្ញាកណ្តាលទាំង ៤ នាក់ផងដែរមុនពេលធ្វើដំណើរចុះក្រោមចូលទៅបន្ទប់ផ្លាស់សំលៀកបំពាក។ទោះយ៉ាងណាក្រុមលោក Jurgen Klopp មានពេលរហូតដល់ថ្ងៃសុក្រដើម្បីតវ៉ាប្រឆាំងនិងការចោទប្រកាន់នេះ។បច្ចុប្បន្ននេះ Van Dijk នឹងជាប់បម្រាមមួយប្រកួតសម្រាប់កាតក្រហមនេះប្រសិនរកឃើញកំហុសពិតប្រាកដ ដូច្នេះរូបគេនិងខានការប្រកួតបន្ទាប់សម្រាប់ Liverpool ជាមួយ Aston Villa នៅថ្ងៃអាទិត្យខាងមុខនេះ។
ប្រិយមិត្តក៏កំពុងរង់ចាំមើលផងដែរថាតើ Van dijk និង មានវាសនាដូចមិត្តរួមក្រុមគឺខ្សែបម្រើ Mc Allister រឺយ៉ាងណា បន្ទាប់ពីកីឡាករអន្តរជាតិ អាហ្សង់ទីនត្រូវបានលើកលែងការចោតប្រកាន់(បម្រាម៣ប្រកួត)ក្រោយរងកាតក្រហមបណ្តេញចេញពីការប្រកួតកំលុងពេលប្រកួតជាមួយ Bournemotuh នៅសប្តាហ៏ទី២។
ប្រភព:BBC
