បរទេស៖ ក្លឹប FC Bayern Munich បានបង្ហាញចំណាប់អារម្មណ៍របស់ខ្លួនលើការចុះកុងត្រាលើខ្សែបម្រេីឆ្នើម Scott Mctominay នៅរដូវក្តៅនេះ។ យោងតាមការបោះពុម្ភផ្សាយរបស់អាល្លឺម៉ង់ Bild បានអះអាងថា McTominay អាចផ្លាស់ទៅ Bayern ដោយសារតែមិនសូវមានឪកាសបង្ហាញខ្លួនក្រោមការដឹកនាំរបស់លោក Erik ten Hag ចាប់តាំងពីការមកដល់របស់កីឡាករហូឡង់នៅ Man United កាលពីរដូវក្តៅមុន។ ទន្ទឹមនឹងនេះដែរកីឡាករ Gravenberch ក៏មិនបានបង្ហាញវត្តមានសម្រាប់ក្រុម Bayern ផងដែរ ចាប់តាំងពីឆ្នាំមុន។ ករណីនេះអាចនឹងមានកិច្ចព្រមព្រៀងផ្លាស់ប្តូរកីឡាករគ្នាក្នុងលក្ខខណ្ឌខ្ចីជើងរយៈពេលវែង សម្រាប់កីឡាករឆ្នើមទាំងពីរនាក់នេះ៕