បរទេស៖ Saudi Pro League បន្ត​បញ្ចេញ​ប្រាក់​ឈ្នួល និង​ថ្លៃ​ឈ្នួល​ដ៏​ច្រើន​សន្ធឹក​សន្ធាប់​លើ​កីឡាករ​ល្បីៗ​ជា​បន្តបន្ទាប់ ។ ប៉ុន្តែក្លឹបមួយចំនួនតូចនៅក្នុងលីកអារ៉ាប៊ីសាអូឌីតហាក់ មិនទាន់មានកម្រិតហិរញ្ញវត្ថុ និងគ្រឿងបរិក្ខារដូចៗគ្នានោះទេ ។ Al Nassr បានប្រកួតក្រៅដីទល់នឹង Al Fateh នៅយប់ថ្ងៃសុក្រកន្លងទៅ ហើយបានយកឈ្នះដោយលទ្ធផល 5-0 ដោយ Ronaldo បានស៊ុតបញ្ចូលទី Hat-trick និង Mane រកបានមួយគ្រាប់ សម្រាប់ក្រុមរបស់លោក Luis Castro ។ យ៉ាងណាមិញក្រោយចប់ការប្រកួតគេបានប្រទះឃើញរូបថតមួយសន្លឹកដែលផ្ទុះការចាប់អារម្មណ៍ជាខ្លាំង ដោយបង្ហាញអំពីបន្ទប់ផ្លាស់សម្លៀកបំពាក់របស់ក្លឹប Al Fatch ដែលប្រើប្រាស់សម្រាប់ទទួលក្រុមភ្ញៀវ Al Nassr ដែលវាមើលទៅហាក់បីមិនទាន់ត្រូវបានកម្រិតរបស់លីក៕