បរទេស៖ Manchester United ត្រូវបានគេរាយការណ៍ថាគ្រោងនឹងបដិសេធការដេញថ្លៃចុងក្រោយរបស់ West Ham United សម្រាប់ខ្សែការពារកណ្តាល Harry Maguire ដែលមិនពេញចិត្ត។ West Hamត្រូវបានគេជឿថា បានបន្តការពិភាក្សាលើកិច្ចព្រមព្រៀងមួយ សម្រាប់អតីតប្រធានក្រុមបិសាចក្រហម Maguire ដោយបានធ្វើការដេញថ្លៃ៣០លានផោនកាលពីខែមុន ប៉ុន្តែកិច្ចព្រមព្រៀងត្រូវបានបរាជ័យដោយសារតែ Maguire មិនព្រមចាកចេញពី Old Trafford ។ Maguire នឹងត្រូវខាតបង់ប្រាក់ឈ្នួលរបស់ខ្លួនដល់ទៅពាក់កណ្តាល់បើរូបគេសម្រេចចិត្តផ្ទេរទៅកាន់ក្លឹប West Ham ដោយរូបគេទទួលបានដល់ទៅ១២០,០០០ផោនឯណោះនៅក្លឹប Man Utd ខណៈនឹងទទួលបានត្រឹមតែ៧០,០០០ផោនប៉ុណ្ណោះក្រុម West Ham United ។
កិច្ចសន្យាបច្ចុប្បន្នរបស់ Maguire នៅសល់រយៈពេល២រដូវកាលទៀត ខណៈក្លឹប Man Utd បានផ្តល់សំណើរ៦លានផោនសម្រាប់ប្រាក់ឈ្នួលដែលនៅសេះសល់ ប៉ុន្តែវាត្រូវបានគេជឿជាក់ថា មិនទាន់គ្រប់គ្រាន់សម្រាប់ Maguire ក្នុងការដែលឲ្យរូបគេចាកចេញពី Old Trafford ។ យ៉ាងណាមិញ West Ham មានគម្រោងចង់ផ្តល់នូវសំណើរ៣០លានផោនម្តងទៀតដល់ក្លឹប Man Utd ដែលជាផ្នែកមួយនៃការផ្តល់ជូនប្រាក់ឈ្នួលដែលនៅសេះសល់ ប៉ុន្តែយ៉ាងណាមិញលើកនេះទំនងជាត្រូវក្លឹប Man Utd បដិសេធវិញម្តង។ គួរបញ្ជាក់ផងដែលថាក្លឹប Man Utd រីករាយនឹងឲ្យ Maguire ចាកចេញនៅពេលក្រោយ បន្ទាប់ពីមានរបាយការណ៍ថា Varane កំពុងរងរបួស និងត្រូវការជម្រើសជាច្រើននៅតំបន់ការពាររបស់លោក ខណៈរដូវកាលថ្មីទើបតែចាប់ផ្តើម៣សប្តាហ៍ប៉ុណ្ណោះ ៕
