បរទេស៖ ក្រុមបិសាចក្រហម Manchester United នឹងត្រូវបាត់បង់កីឡាករ Andre Onana សម្រាប់ការប្រកួតចំនួនបួននៅរដូវរងានេះ។ Man United អាចនឹងប្រឈមនឹងបញ្ហាដោយមិនមានអ្នកចាំទីដៃទីមួយរបស់ខ្លួន ដោយយោងទៅតាម La Tanière បានរាយការណ៍ថា Onana គ្រោងនឹងត្រលប់ទៅ Cameroon វិញសម្រាប់ការប្រកួតអន្តរជាតិខែកញ្ញា។ តារាបាល់ទាត់របស់បិសាចក្រហមរូបនេះបានលាឈប់ពីបាល់ទាត់អន្តរជាតិក្នុងអំឡុងការប្រកួត World Cup នៅ Qatar កាលពីរដូវរងារឆ្នាំមុន បន្ទាប់ពីមានការខ្វែងគំនិតគ្នាជាមួយអ្នកចាត់ការលោក Rigobert Song។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

យ៉ាងណាមិញ Onana អាចនឹងសម្រេចចិត្តត្រលប់ទៅចូលរួមក្រុមជម្រើសជាតិខ្លួនវិញ សម្រាប់យុទ្ធនាការ AFCON របស់ប្រទេសកាមេរូន ដែលធ្វើឡើងនៅចន្លោះថ្ងៃទី 13 ខែមករា ដល់ថ្ងៃទី 11 ខែកុម្ភៈ ដែលនឹងត្រូវខកខានការប្រកួត Man United រហូតដល់ទៅបួនប្រកួត។