(បរទេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានអះអាងថា តារាឆ្នើមសញ្ជាតិព័រទុយហ្គាល់ដ៏មានឥទ្ធិពល កីឡាករ Cristiano Ronaldo គាត់បាននិយាយថា៖
«ខ្ញុំប្រាកដ ១០០% នឹងមិនត្រលប់ទៅលេងនៅក្លឹបអឺរ៉ុបវិញទេ ខ្ញុំមានអាយុ ៣៨ឆ្នាំហើយ ដោយបាល់ទាត់នៅលីគអឺរ៉ុបក៏បាត់បង់គុណភាពខ្លះដែរ ខណៈមានតែលីគ Premier League មួយគត់ ដែលនាំមុខគេទាំងអស់។ ខ្ញុំគិតថា Saudi league គឺនៅតែល្អជាងលីគ MLS។ ខ្ញុំក៏បានបើកផ្លូវឲ្យកីឡាករនៅអឺរ៉ុបផ្សេងទៀត ហ៊ានផ្ទេរមកលេងនៅលីគអារ៉ាប់ ហើយលទ្ធផលគឺថាមានកីឡាករល្បីៗជាច្រើនបានផ្ទេរមក។»
«គ្រប់ទីកន្លែងដែលរូបខ្ញុំទៅ ខ្ញុំតែងតែបង្កើតចំណាប់អារម្មណ៍ខ្ពស់ ជុំវិញពិភពលោក។» «ពួកអ្នកស្អប់ខ្ញុំ តែងតែរិះគន់ខ្ញុំចំពោះការផ្ទេរមកកាន់លីគនៅអារ៉ាប់ តែពេលនេះមានអ្វីកើតឡើង…»
«ក្នុងរយៈពេលមួយឆ្នាំខាងមុខទៀត នឹងមានកីឡាករកំពូលៗកាន់តែច្រើន ផ្ទេរមកកាន់ប្រទេសអារ៉ាប៊ីសាអូឌីត»៕
