លោក Edwin van der Sar អតីតនាយកប្រតិបត្តិក្លឹប Ajax កំពុងទទួលការព្យាបាលយ៉ាងយកចិត្តទុកដាក់ក្នុងបន្ទប់សង្គ្រោះបន្ទាន់ បន្ទាប់ពីជួបប្រទះបញ្ហាសុខភាពធ្ងន់ធ្ងរដោយរងនូវការហូរឈាមក្នុងខួរក្បាលរបស់គាត់។អតីតអ្នកចាំទី Juventus ,Fulham, Man.Utd និង Ajax វ័យ ៥២ឆ្នាំបច្ចុប្បន្នកំពុងព្យាបាលនៅក្នុងមន្ទីរពេទ្យនៅប្រទេសក្រូអាត។លោក Van der Sar បានលាលែងពីតួនាទីជានាយកប្រតិបត្តិរបស់ Ajax កាលពីខែឧសភា បន្ទាប់ពីក្លឹបបញ្ចប់រដូវកាលឈរក្នុងចំណាត់ថ្នាក់លេខ ៣ ក្នុងលីគហូឡង់ និងបានបរាជ័យមិនមានកៅអីលេងក្របខ័ណ្ឌ Champions League ជាលើកដំបូងចាប់តាំងពីឆ្នាំ ២០០៩ ។
ក្រោយចាកចេញពីទឹកដី Old Trafford នៅឆ្នាំ ២០១១ លោក Van De Sar បានសម្រេចចិត្តព្យួរស្បែកជើងចូលនិវត្តន៍ មុនពេលចូលរួមជាមួយក្រុមប្រឹក្សាភិបាលដឹកនំាក្លឺប Ajax ក្នុងឆ្នាំ ២០១២ ហើយក្រោយមកបានទទួលការផ្តល់សេចក្តីទុកចិត្តអោយក្លាយជានាយកប្រតិបត្តិដឹកនាំក្លឹបនៅឆ្នាំ ២០១៦ ។
Van der Sar កីឡាករមានកំពស់ខ្ពស់ ១.៩៨ បានបង្ហាញខ្លួនចំនួន ២៦៦ ដងក្រោយត្រូវលោកតា Sir Alex Ferguson ផ្ទេរយកពីFulham នៅឆ្នាំ ២០០៥និងបានជួយពួកគេឈ្នះពានរង្វាន់ Premier League ចំនួន ៤ ដង និង Champions League នៅឆ្នាំ ២០០៨ ។
ប្រភព:BBC
វីដេអូ:
