(ភ្នំពេញ)៖ កម្ពុជា ដែលជាប្រទេសរៀបចំព្រឹត្តិការណ៍កីឡាចម្រុះប្រចាំតំបន់អាស៊ីអាគ្នេយ៍ លើកទី៣២ ឆ្នាំ២០២៣ នេះ បានកំពុងបង្ហាញពីបដិសណ្ឋារកិច្ចយ៉ាងល្អក្នុងការទទួលស្វាគមន៍ប្រតិភូ ក៏ដូចជាអត្តពលិកមកពី ១០ប្រទេសក្នុងតំបន់ ក្នុងការប្រជែងមេដាយនាដើមខែក្រោយនេះ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

តួយ៉ាងនៅព្រឹកថ្ងៃសុក្រ ទី២៨ ខែមេសានេះ ភ្នាក់ងារអង្គភាពព័ត៌មានបានចុះទៅផ្តិចយករូបភាពផ្ទាល់ពីអាហារ អមទៅដោយទីតាំងទទួលទានដ៏គួរឲ្យទាក់ទាញផងដែរ ក្នុងការទទួលស្វាគមន៍ក្រុមកីឡាបាល់ទាត់ ដែលបានធ្វើដំណើរមកដល់កម្ពុជាជាបន្តបន្ទាប់ ដ្បិតប្រភេទកីឡាបាល់ទាត់ វិញ្ញាសាផ្នែកបុរសនៅ SEA Games 2023 ត្រូវប្រកួតមុនគេ ដោយត្រូវចាប់ផ្តើមពីថ្ងៃទី២៩ ខែមេសាស្អែកនេះតទៅហើយ។