Owen Hargreaves បានស្នើអោយគ្រូបង្វឹក Erik ten Hag គួរតែរកអ្នកចាំទីថ្មីមកជំនួស David de Gea បន្ទាប់ពីក្លឹបយក្សអង់គ្លេសបានធ្លាក់ចេញពីក្របខណ្ឌ Europa League ក្រោមថ្វីជើងម្ចាស់ផ្ទះ Sevilla ក្នុងលទ្ធផលសរុបទាំងពីរប្រកួតគឺ Sevilla ៥:២ Man.Utd សម្រាប់ការប្រកួតកាលពីវេលាទាបភ្លឺព្រឹកថ្ងៃសុក្រនេះ។
ការប្រកួតជើងទីពីរនេះក្រុមភ្ញៀវធ្វើមិនបានល្អទេដោយរបូតគ្រាប់បាល់ចូលទី២គ្រាប់ខណៈគ្រាប់បាល់នាំមុខទី១លេងមិន យល់ចិត្តគ្នា រវាងអ្នកចាំទី និងប្រធានក្រុម ខណៈគ្រាប់បាល់ទី៣ជាកំហុសរបស់អ្នកចាំទីដែល Clear បាល់មិនបានល្អ ។
អតីតខ្សែបម្រើអង់គ្លេសនិង Man.Utd បានបញ្ជាក់ប្រាប់ BT Sports ថាៈ De Gea ជាអ្នកចាំទីដ៏ឆ្នើមម្នាក់ជាមួយការប្រើប្រាស់ដៃ។ ប៉ុន្តែគាត់មិនបានប្រើប្រាស់ជើងអោយមានគុណភាពដូចដៃនោះទេ។ ការពិត វាបានស្តែងអោយឃើញ នៅយប់នេះ ។វាជាបាល់ទាត់ ពេលខ្លះអ្នកមានថ្ងៃល្អ ពេលខ្លះអ្នកមានថ្ងៃអាក្រក់ ហើយវាជាថ្ងៃអាក្រក់ ដូច្នេះយើងត្រូវផ្លាស់ប្តូរយុទ្ធសាស្រ្តដើម្បីត្រៀមប្រកួតប្រជែងជាមួយគូបដិបក្សថ្មីទៀត ទោះយ៉ាងណាយើងគួរផ្តោតលើការប្រកួតជាមួយBrighton។
ប្រភព:metro
វីដេអូ:
