បរទេស៖ ខ្សែបម្រើឆ្នើមរបស់ក្លឹបបិសាចក្រហម Manchester United កីឡាករ Christian Eriksen បានចេញមកអះអាងថា ខ្សែបម្រើ Marce Sabitzer បានបង្ហាញទំរងដ៏មិនគួរឲ្យជឿពេលជើងទីមួយដែលរូបគេអាចរកបាន២គ្រាប់ជួយឲ្យ Man Utd ស្មើជាមួយនឹង Sevilla ដោយលទ្ធផល 2-2 នៅក្នុងកីឡដ្ឋាន Old Trafford ។
Eriksen បានធ្វើសន្និសិទ្ធិការសែតជាមួយនឹងគ្រូបង្វឹកលោក Erik Ten Hag មុនជំនួបនៅយប់នេះរវាងក្រុមទាំងពីរ ដោយគាត់បានអះអាងថា «Marcel [Sabitzer] បានធ្វើរឿងដ៏មិនគួរឲ្យជឿ ខណ:ពេលដែលខ្ញុំកំពុងសម្រាកព្យាបាលរបួស ដូចគ្នាជាមួយនឹងអ្នកដទៃទៀត។ ខ្ញុំទើបបានចាប់ដៃគូជាមួយនឹងគាត់ប៉ុន្មានដងប៉ុណ្ណោះមុនរបួស » ។ Eriksen បានបង្ហែមថា «កាលពីមុនឆ្នាំមុនខ្ញុំបានស្រមៃនូវអ្វីដែលខ្ញុំមាននាពេលបច្ចុប្បន្ននេះ វាគឺជាក្តីស្រមៃមួយដែលអាចត្រលប់មកលេងបាល់ទាត់ម្តងទៀត។ ខ្ញុំពិតជាសំណាងដែលគ្រូបង្វឹកចង់បានខ្ញុំមកកាន់ទីនេះ។ ពួកយើងបានឈ្នះពាន១ហើយ ដូច្នេះនៅសល់២ទៀត។ ហើយពួកយើងចង់សងសឹក Sevilla នៅថ្ងៃស្អែក »
