គ្រូបង្វឹកក្រុម Bayern Munich លោក Thomas Tuchel បានបញ្ជាក់ថាខ្សែប្រយុទ្ធស្លាប Sadio Mane នឹងមានវត្តមានសម្រាប់ការប្រកួតជើងទី២ វគ្គ៨ក្រុមចុងក្រោយក្របខណ្ឌ Champions League ទល់នឹង Manchester City នៅរាត្រីថ្ងៃពុធ។
គួរបញ្ជាក់ថាកីឡាករអន្តរជាតិសេណេហ្គាល់វ័យ ៣១ ឆ្នាំរូបនេះត្រូវបានក្លឹបយក្សអាឡឺម៉ង់ផ្អាកការប្រកួត(ដកឈ្មោះចេញ)និងពិន័យជាប្រាក់ក្រោយពីអតីតកីឡាករLiverpool រូបនេះត្រូវបានរងការចោទប្រកាន់ថាបានបង្កហិង្សាដោយដាល់មិត្តរួមក្រុម Leroy Sane នៅក្នុងបន្ទប់ផ្លាស់សំលៀកបំពាក់បន្ទាប់ពីការបរាជ័យក្នុងជើងទី១ក្រោមថ្វីជើង Man.City ដោយលទ្ធផល៣ទល់និង០នៅកីឡដ្ឋាន Etihad កាលពីថ្ងៃអង្គារ។
Mane មិនមានឈ្មោះនោះទេ កំលុងពេល Bayern Munich ប្រកួតស្មើគ្នា ក្នុងលទ្ធផល១ទល់និង១ជាមួយ Hoffenheim ក្នុងក្របខ័ណ្ឌ Bundesliga កាលពីថ្ងៃសៅរ៍ ខណៈ Sane ត្រូវបានមើលឃើញថានៅមានស្លាកស្នាមហើមបបូរមាត់កំលុងពេលកីឡាករអន្តរជាតិអាឡឺម៉ង់រូបនេះចូលលេងបាន៩០ នាទី នៅទឹកដី Allianz Arena ។
ប្រភព:Sportsmole
