អត្តពលិកប្រភេទកីឡាវ៉ូវីណាមកម្ពុជា បានចេញដំណើរទៅបោះជំរុំហ្វឹកហាត់នៅប្រទេសវៀតណាម នៅព្រឹកព្រលឹមថ្ងៃទី០៤ មេសា នេះ ដើម្បីត្រៀមខ្លួនប្រកួតប្រជែងសណ្ដើមមេដាយពីព្រឹត្តការណ៍កីឡាសុីហ្គេមលើកទី៣២ ឆ្នាំ២០២៣ ដែលកម្ពុជាទទួលសិទ្ធធ្វើជាម្ចាស់ផ្ទះរៀបចំការប្រកួត។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គ្រូ បង្វឹកចំនួន៣រូប និងកីឡាករ កីឡាការិនីចំនួន២៧ រូបនិងធ្វើការហ្វឹកហាត់បង្កើនសម្ថភាព នៅប្រទេសវៀតណាម ដែលជាប្រទេសម្ចាស់ដើមប្រភេទកីឡាក្បាច់គុនមួយនេះ រហូតដល់មុនបើកថ្ងៃបើកការប្រកួតសុីហ្គេម ១ថ្ងៃ ទើបវិលត្រលប់មកកម្ពុជា ពោលគឺព្រឹត្តការណ៍កីឡាសុីហ្គេមលើកទី៣២ និងបើកការប្រកួតនៅថ្ងៃទី០៥ ខែឧសភា ឆ្នាំ២០២៣ នៅពហុកីឡដ្ឋានជាតិមរតតេជោ។
សម្រាប់ការចេញទៅបោះជំរុំនៅពេលនេះគឺជាផែនការមេរបស់សហព័ន្ធកីឡាវ៉ូវីណាមកម្ពុជា ក្នុងការបង្កើនការប្រមូលផ្ដុំ ផ្ដោតតែលើការហ្វឹកហាត់ តាមកាលវិភាពដែលបានកំណត់។ នេះបើយោងតាមការបង្ហើបអោយដឹងពីសំណាក់ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា។
ដោយ Sophea
