គ្រូបង្វឹកក្លឹប Barcelona បង្ហាញថា Ansu Fati នៅតែមិនទាន់ត្រៀមខ្លួន១០០ភាគរយនៅឡើយ ក្នុងការលេងអោយស៊ីសង្វាក់គ្នាជាមួយ មិត្តរួមក្រុមរបស់គាត់។ខ្សែប្រយុទ្ធរូបនេះបានរងរបួសសរសៃពួរខាងឆ្វេងរបស់គាត់កាលពីឆ្នាំមុន ហើយនៅឡើយបង្ហាញពីកាយសម្បទាពេញលក្ខណៈក្នុងការចូលលេងពោលគឺនៅខ្វះកម្លាំង និងការបត់បែនក្នុងការវាយសម្រុកលើគួប្រកួតបានពេញលេញ។ មូលហេតុនេះហើយដែលនាំអោយកីឡាករវ័យ២០ឆ្នាំ រងផលប៉ះពាល់ និងមិនទទួលបានទំនុកចិតចូលលេងនោះ។

ប៉ុន្តែឪពុករបស់ Fati គឺលោក Bori បាននិយាយនៅក្នុងបទសម្ភាសន៍ឆ្លើយតបក្នុងពេលថ្មីៗនេះថាកូនប្រុសរបស់ខ្លួនមាន កាយសម្បទាល្អរឹងម៉ាំឡើងវិញហើយ ហើយការអះអាងរបស់ក្លឹបកំពុងនាំមុខកំពូលតារាង La Liga គឺមិនពិតទេ ខណៈ Fati បានចូលលេងពេញ៩០នាទីតែ២ប្រកួតប៉ុណ្ណោះនៅរដូវកាលនេះ។