Cristiano Ronaldo បានស្នើសុំអតីតមិត្តរួមក្រុម Juventus កីឡាករ Carlo Pinsoglio អោយផ្លាស់មកមកចូលរួមជាមួយរូបលោកនៅក្លឹប Al-Nassr នាលីកកំពូលប្រទេសអារ៉ាប៊ីសាអ៊ូឌីត ។ គួរបញ្ជាក់ថាអ្នកចាំទីអ៊ីតាលីវ័យ៣២ Pinsoglio គឺជាអ្នកចាំទីជម្រើសទី ៣ឯណោះ អំឡុងពេលRonaldo បានចំណាយពេល៣រដូវកាលលេងអោយក្លឹបនៅទីក្រុង Turin ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

កីឡាករទាំងពីររូបក៏ធ្លាប់ជាមិត្តល្អរាប់អានគ្នានៅក្រៅទីលានផងដែរ ស្របពេល Pinsoglio មិនបានបង្ហាញខ្លួនចូលលេងក្នុងជម្រើសដំបូងសោះឡើយនៅរដូវកាលនេះ។

ទោះយ៉ាងណាកិច្ចសន្យាបច្ចុប្បន្នរបស់គាត់ជាមួយក្លឹបនឹងអស់នៅចុងបញ្ចប់នៃរដូវកាលនេះខណៈ David Ospina មានរបួសកែងដៃ ដូច្នេះក្លឹបក៏សម្លឹងចង់បន្ថែមអ្នកចាំទីថ្មីជំនួសកីឡាករជម្រើសទី២រូបនេះដូច្នេះការសម្រេចចិត្តផ្លាស់ទៅ Al-Nassr គឺមិនមានជាជម្រើសអាក្រក់ពេកនោះទេ។