បរទេស៖ មន្ត្រីម្នាក់បាននិយាយថា មហាសេដ្ឋីអចលនទ្រព្យអារ៉ាប៊ីសាអូឌីតម្នាក់បានឈ្នះសំបុត្រ ដើម្បីមើល Cristiano Ronaldo និង Lionel Messi ប្រឈមមុខគ្នាក្នុងការប្រកួតមិត្តភាព បន្ទាប់ពីបានដេញថ្លៃ 2.6 លានដុល្លារក្នុងការទិញសំបុត្រមួយសន្លឹក។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ដើម្បីផ្សព្វផ្សាយការប្រកួតមួយនេះ លោក Turki al-Sheikh ទីប្រឹក្សានៅ Royal Court និងជាប្រធានអាជ្ញាធរកម្សាន្តទូទៅរបស់ប្រទេសអារ៉ាប៊ីសាអូឌីតបានប្រកាស មានការដេញថ្លៃសប្បុរសធម៌សម្រាប់សំបុត្រពិសេសដែលវាមានអត្ថប្រយោជន៍ដូចជា មានឱកាសបានថតរូបជាមួយកីឡាករ និងការចូលទៅបន្ទប់ផ្លាស់សំលៀកបំពាក៉ជាដើម។ ការដេញថ្លៃបានចាប់ផ្តើមនៅ 1 លាន rials Saudi (266,000 ដុល្លារ) ហើយការដេញថ្លៃបានបិទនៅម៉ោង 11:30 យប់ នៅថ្ងៃអង្គារ។ បន្ទាប់មក Al-Sheikh បានប្រកាសនៅលើ Twitter ថា ការដេញថ្លៃបានបញ្ជប់នៅតម្លៃ 10 លាន riyals (2.6 លានដុល្លារ) បានដល់លោក Mushref al-Ghamdi ។
គួរបញ្ជាក់ថា ការប្រកួតមួយនេះវាជាលើកទីមួយដែល Ronaldo បានចូលលេង ចាប់តាំងពីចុះកុងត្រាជាមួយ Al Nassr ដែលមានប្រាក់ឈ្នួលរហូតដល់ឆ្នាំ 2025 ហើយមានតម្លៃជាង 200 លានអឺរ៉ូ (214 លានដុល្លារ)៕
