(អ៊ីតាលី)៖ ខ្សែការពារវ័យ៣៦ឆ្នាំ Leonardo Bonucci របស់ក្លឹបសេះបង្កង់ Juventus នឹងចាកចេញពីទីក្រុង Turin ដើម្បីពិនិត្យសុខភាពជាមួយក្លឹបថ្មី Union Berlin នៅ Bundesliga នាថ្ងៃសុក្រនេះ។ កីឡាករជម្រើសជាតិអ៊ីតាលីគ្រោងនឹងចាកចេញពី Old Lady បន្ទាប់ពីហ្វឹកហាត់ដាច់ដោយឡែកពីក្រុមពេញស្ទើពេញមួយរដូវក្តៅ។ Juventus នឹងបង់ទឹកប្រាក់៥០% នៃប្រាក់ខែរបស់ Bonucci នៅទីក្រុងប៊ែរឡាំងប្រហែល ៣.៥លានអឺរ៉ូ។ ខ្សែការពារជើងចាស់រូបនេះ នឹងចូលរួមជាមួយក្រុម Bundesliga លើការផ្ទេរដោយឥតគិតថ្លៃ ដោយចុះហត្ថលេខាលើកិច្ចសន្យារយៈពេលមួយឆ្នាំជាមួយនឹងជម្រើសសម្រាប់យុទ្ធនាការបន្ថែមទៀត។

Bonucci មិនមែនជាផ្នែកនៃផែនការរបស់ Juventus ទៀតទេ ដូចដែលបានបញ្ជាក់ដោយ Cristiano Giuntoli ក្នុងអំឡុងពេលសន្និសីទសារព័ត៌មានរបស់គាត់កាលពីខែកក្កដាកន្លងទៅ។ ថ្មីៗនេះគ្រូបង្វឹកលោក Allegri បានបញ្ជាក់ថាគាត់បានជូនដំណឹងដល់ Bonucci កាលពីខែកុម្ភៈថា Juventus នឹងមិនពឹងផ្អែកលើគាត់ទៀតទេនៅរដូវកាលថ្មីនេះ ២០២៣/២៤ ។ ខ្សែការពារជើងចាស់នៅតែសង្ឃឹមថានឹងត្រូវបានកោះហៅពីក្រុមជម្រើសជាតិអ៊ីតាលីសម្រាប់អឺរ៉ូឆ្នាំ ២០២៣ ដូច្នេះគាត់នឹងចូលរួមជាមួយក្រុម Bundesliga ដែលនឹងលេងក្នុងក្របខ័ណ្ឌ Champions League ជាលើកដំបូងដែលមិនធ្លាប់មាននៅរដូវកាលនេះ៕

ប្រភព៖ Football Italia