Paul Scholes និយាយថា មានតែក្លឹបមួយប៉ុណ្ណោះដែលបង្ហាញចំណាប់អារម្មណ៍ក្នុងការចុះហត្ថលេខាលើគាត់ពី Manchester United ។ Scholes បានចំណាយពេលពេញមួយអាជីពរបស់គាត់រយៈពេល 20 ឆ្នាំនៅ Old Trafford ដោយស៊ុតបញ្ចូលទីបាន 155 គ្រាប់ និងឈ្នះពានរង្វាន់សរុបចំនួន 25 រួមទាំងពានរង្វាន់ Premier League ចំនួន 11 ផងដែរ។​មានការវែកញែកថា Scholes មានសមត្ថភាពគ្រប់គ្រាន់ក្នុងការលេងឲ្យក្រុមកំពូលៗជាច្រើននៅលីគអឺរ៉ុប ប៉ុន្តែ Scholes មិន​ដែល​មាន​បំណង​ចង់​ចាក​ចេញ​ពី United ជា​ទី​ស្រឡាញ់​ជាងគេ។​

ទោះជាយ៉ាងណាក៏ដោយគាត់បានបង្ហើបថា ក្លឹប Inter Milan បានចាប់អារម្មណ៍គាត់កាលពីឆ្នាំ 2000 ទោះបីជាមិនមានការចរចារដោយផ្ទាល់ក៏ដោយ។ Scholes បានប្រាប់ BBC Radio 5 Live តាមរយៈ Metro ថា៖ «ខ្ញុំមិនដែលដឹងអំពីក្រុមណាមួយចង់បានខ្ញុំទេ។ ភ្នាក់ងារចាស់របស់ខ្ញុំលោក Bryan Robson បានទូរស័ព្ទមកខ្ញុំ ខណៈពេលដែលយើងកំពុងលេងនៅ Euro 2000 ដើម្បីសួរខ្ញុំថា តើខ្ញុំចាប់អារម្មណ៍ទៅ Inter Milan ប៉ុន្តែនោះគឺជាការហៅនោះជាទូរសព្ទតែមួយគត់ដែលខ្ញុំទទួលបាន។»