បរទេស៖ Lionel Messi បានសារភាពថាគាត់មិនដែលចង់ចូលរួមជាមួយ Paris Saint-Germain ក្នុងឆ្នាំ 2021 ។ ក្នុងអំឡុងពេលសន្និសីទសារព័ត៌មានដែលធ្វើឡើងនៅទីក្រុង Miami ម្ចាស់ពានរង្វាន់ Ballon d’Or ប្រាំពីរសម័យបាននិយាយអំពីការប្រកួតប្រជែងថ្មីរបស់គាត់នៅក្នុង MLS ហើយកីឡាករអាហ្សង់ទីនបានសារភាពថាគាត់និងក្រុមគ្រួសារកំពុងរីករាយនឹងជីវិតថ្មីរបស់ពួកគេ។ យោងតាម TyC Sports កីឡាករ Messi បាននិយាយថា៖ «ទីក្រុងនេះ [Miami] ពិតជាអស្ចារ្យ ហើយពួកយើងគឺរស់នៅដោយស្ងប់ស្ងាត់ និងងាយស្រួលបំផុត។ កូនៗរបស់ខ្ញុំនឹងចាប់ផ្តើមចូលរៀនឆាប់ៗនេះ។ វាខុសប្លែកពីការផ្លាស់ពី Barcelona ទៅកាន់ Paris។ ខ្ញុំទៅទីក្រុងប៉ារីស ទាំងមិនបានគ្រោងទុក ហើយក៏មិនចង់ ព្រោះខ្ញុំមិនចង់ចាកចេញពី Barcelona ។ ប៉ុន្តែឥឡូវវាផ្ទុយស្រឡះទាំងស្រុងគឺអរគុណដល់ព្រម»៕
Thomas Partey អតីតខ្សែបម្រើ-ការពារក្រុមកាំភ្លើងធំ Arsenal ទីបំផុតបានបង្ហាញខ្លួននៅតុលាការក្រោយរងបទចោទប្រកាន់ពីបទល្មើសរំលោភផ្លូវភេទសរុបចំនួន 6ករណី ។បុរសវ័យ 32 ឆ្នាំរូបនេះត្រូវបានដាក់អោយនៅក្រៅឃុំដើម្បីបង្ហាញខ្លួននៅ Old Bailey នាទីក្រុងឡុងដ៏សម្រាប់ការកាត់ទោសនៅចុងឆ្នាំនេះ ជុំវិញការចោទប្រកាន់ពីបទរំលោភសេពសន្ថវៈ និងការរំលោភបំពានផ្លូវភេទ។ ក្នុងអំឡុងពេលសវនាការកាលពីថ្ងៃអង្គារនៅតុលាការ Westminster ចៅក្រមគាត់បាននិយាយចោតប្រកាន់ Partey ពីបទរំលោភសេពសន្ថវៈលើស្ត្រី៣រូបផ្សេងគ្នា ខណៈបទល្មើសបានកើតឡើងនៅឆ្នាំចន្លោះឆ្នាំ 2021 និង 2022 តែប្រភពមិនបានបញ្ជាក់ពីទីកន្លែងបង្កហេតុ ពោលគឺនៅពេលដែលគាត់ជាកីឡាកររបស់ Arsenal នៅឡើយ។អត្ថបទកំពុងចាប់អារម្មណ៍៖ ធ្ងន់ករមែនទែន! អតីតខ្សែការពារ Arsenal រងបទចោទលើការរំលោភសេពសន្ធវៈ ៦ករណី សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មេធាវីរបស់ Partey គឺ Jenny Wiltshire ធ្លាប់បាននិយាយថាគាត់ បដិសេធការចោទប្រកាន់ទាំងអស់ប្រឆាំងនឹងកូនក្តីរបស់គាត់និងត្រៀមតវ៉ាតាមផ្លូវច្ចាប់។ទោះយ៉ាងណាលក្ខណ្ឌនៅក្រៅឃុំរបស់កីឡាករអន្តរជាតិហ្គាណាគឺ គាត់មិនអាចទាក់ទងស្ត្រីទាំងបីនាក់ណាមួយបានទេ ហើយត្រូវជូនដំណឹងដល់ប៉ូលិសអំពីការផ្លាស់ប្តូរអាសយដ្ឋានជាអចិន្ត្រៃយ៍ ឬការធ្វើដំណើរទៅក្រៅប្រទេស។កីឡាករបាល់ទាត់រូបនេះត្រូវបានគេរាយការណ៍ថាកំពុងត្រៀមខ្លួនចូលរួមជាមួយក្រុមអេស្ប៉ាញ Villarreal ក្នុងកិច្ចសន្យារយៈពេលមួយឆ្នាំជាមួយនឹងលទ្ធភាពនៃការបន្តរយៈពេល 12 ខែបន្ថែមទៀតក្រោយArsenalមិនបន្តកុងត្រាថ្មីអោយ។ ប្រភព:BBC
