គិតមកដល់ពេលនេះ Harry Kane ប្រឈមនឹងការសម្រេចចិត្តដ៍លំបាកក្នុងការសម្រេចចិត្តចាកចេញពីក្លឹប Tottenham ដើម្បីបន្តអាជីពថ្មីនៅលីកកំពូលផ្សេងក្រៅពីអង់គ្លេសរឺយ៉ាងណា បន្ទាប់ពីកាលពីពេលថ្មីៗនេះក្លឹបដែលមានមូលដ្ឋាននៅទីក្រុងឡុងដ៍បានយល់ព្រមលើកិច្ចព្រមព្រៀងលក់
ប្រធានក្រុមអង់គ្លេសទៅកាន់ក្លឹបជើងឯកអាឡឺម៉ង់ Bayern Munich ។
Kane បានរក្សាទម្រង់លេងដ៏អស្ចារ្យនិងបង្កើតកំនត់ត្រាល្អបំផុតរបស់គាត់សម្រាប់ក្លឹប និងប្រទេស ហើយបើទោះបីជាកន្លងមកមានការចាប់អារម្មណ៍ចង់បានខ្សែប្រយុទ្ធវ័យ៣០ឆ្នាំពីសំណាក់ក្រុមមេឃខៀវ Man. City និង បិសាចក្រហម Man. United មុនពេល Bayern Munich បានបង្ហាញខ្លួនតាមប្រជែងយ៉ាងកៀកកិតរហូតឈានដល់កិច្ចព្រមព្រៀងនៅពេលនេះ។បច្ចុប្បន្ន Kane មានកុងត្រាជាមួយក្លឹបមួយឆ្នាំទៀតប៉ុណ្ណោះហេតុនេះប្រធានក្លឹប Daniel Levy បានផ្លាស់ប្តូរគំនិតចង់លក់ រូបគេក្នុងតម្លៃ ៨៦.៤លានផោន ដើម្បីជៀសវាងការបាត់បង់ Kane ដោយមិនបានតម្លៃខ្លួនសោះនៅរដូវក្តៅឆ្នាំក្រោយប្រសិនរូបគេមិនបន្តកុងត្រាថ្មី។ .
ការពិត Kane មានមហិច្ឆតាចង់ឈ្នះពានជាមួយក្រុមក្នុងអាជីពក្រោយខកបំណង Euro ២០២០ និង World Cup ២០២២ជាមួយអង់គ្លេស បើទោះបីជាធ្លាប់ឈ្នះពានកិត្តិយសផ្ទាល់ខ្លួន(ពានស្បែកជើងមាស Golden Boot)ក្នុងនាមកីឡាករដែលរកគ្រាប់បាល់បានច្រើនបំផុត៣រដូវកាល។Kane រកបាន ២៨០ គ្រាប់ក្រោយបង្ហាញខ្លួន ៤៣៥ ប្រកួតសម្រាប់ Spurs ដែលធ្វើអោយរូបគេបច្ចុប្បន្នកំពុងធ្វើការសម្រេចចិត្តដ៍លំបាកមួយក្រោយចំណាយពេល និង មានអនុស្សាវរីយ៍ជាមួយក្រុម១២ឆ្នាំមកហើយនោះ។
ប្រភព:BBC
វីដេអូ:
(អារ៉ាប៊ីសាអូឌីត)៖ កំពូលខ្សែប្រយុទ្ធដ៏មុតស្រួច Cristiano Ronaldo កាន់តែប្រកៀកប្រកិតក្នុងការចុះកិច្ចព្រមព្រៀងថ្មី ២ឆ្នាំបន្ថែមទៀតឱ្យក្លឹប Al-Nassr របស់អារ៉ាប៊ីសាអូឌីត បន្ថែមលើកិច្ចសន្យាចាស់ដែលនឹងផុតកំណត់នៅបំណាច់ខែមិថុនានេះ។ ប្រធានក្រុមបច្ចខែលព័រទុយហ្គាល់ បានរួមទ្រនំលេងនៅ Saudi-Pro League កាលពីអំឡុងឆ្នាំ២០២៣ ខណៈ Ronaldo ចូលដល់វ័យ ៤០ឆ្នាំ ប៉ុន្តែនៅតែអាចរកបាន ៩៩គ្រាប់ ពីការបង្ហាញខ្លួនសរុប ១១១លើក។ យ៉ាងណាមិញ Casemiro ត្រូវបានផ្សារភ្ជាប់មកកាន់ Al Nassr កាលពីម្សិលមិញ។អត្ថបទកំពុងចាប់អារម្មណ៍៖ ធ្លាប់ជាជើងឯកលីគបារាំង ៧សម័យកាល! ប៉ុន្តែក្លឹបមួយនេះទៅលេងលីគទី២ សឹងមិនគួរឲ្យជឿ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបផងដែរថា Ronaldo ក៏ធ្លាប់បាននិយាយថា រូបគេទទួលបានសំណើពី Al-Nassr ដើម្បីរួមក្រុមបន្តទៀតដែរ ស្របពេលលោកក៏ពុំទាន់បដិសេធ និងយល់ព្រមអ្វីដែរ ខណៈអ្នកសារព័ត៌មានដ៏ល្បីឈ្មោះលោក Fabrizio Romano បានអះអាងថា Ronaldo នឹងបន្តកិច្ចសន្យាថ្មីដល់ឆ្នាំ ២០២៧៕ ប្រភព៖ BBC […]
