![Featured-Image](https://cambosport.net/wp-content/uploads/2023/08/JuveBoss-1024x522.jpg)
(អ៊ីតាលី)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានឲ្យដឹងថា ក្លឹបអ៊ីតាលីរហ័សនាមសេះបង្កង់ Juventus បានបញ្ជាក់លើចំនួនទឹកប្រាក់ខ្ទង់ ៤០លានអឺរ៉ូ បូករួមបន្ថែមខ្សែប្រយុទ្ធ Lukaku ម្នាក់ទៀត ដើម្បីជាថ្នូរក្នុងផ្ទេរខ្សែប្រយុទ្ធឆ្នើមសញ្ជាតិស៊ែប៊ី Vlahović ខណៈសំណើនេះត្រូវបានក្លឹបអង់គ្លេសតោខៀវ Chelsea បានបដិសេធ និងមិនមានបំណងក្នុងការបន្តចង់បានខ្សែប្រយុទ្ធរូបនេះទៀតនោះឡើយ។ ទោះបីជា Lukaku បានយល់ព្រមលើកិច្ចសន្យាកុងត្រារយៈពេល ៣ឆ្នាំជាមួយ Juventus កាលពីសប្តាហ៍មុនក៏ដោយ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សអ្នកចាត់ការទូទៅក្លឹប Juventus លោក Allegri បាននិយាយជុំវិញលើការផ្លាស់ប្តូរថា «កីឡាករ Vlahović គឺជាខ្សែប្រយុទ្ធដ៏សំខាន់មួយរូបរបស់ពួកយើង ខ្ញុំបាននិយាយរួចមកហើយថា ក្នុងករណីដែលក្លឹបទទួលបានសំណើធំៗ នោះក្លឹបនឹងសម្រេចចិត្តទទួលយកនូវសំណើជាបន្តបន្ទាប់» ។ «ចំពោះរូបខ្ញុំវិញ ខ្ញុំមិនសម្រេចចិត្តលើរឿងបែបនេះទេ – ខ្ញុំគឺរីករាយជាមួយ Vlahović»៕
![](https://cambosport.net/wp-content/uploads/2024/09/Chelsea-300x158.png)
![](https://cambosport.net/wp-content/uploads/2024/09/Pudo05Sep2024-300x158.jpg)
![](https://cambosport.net/wp-content/uploads/2024/09/ChelseaXRonaldoXMane04Sep2024-300x158.jpg)
![](https://cambosport.net/wp-content/uploads/2024/09/Enzo01Sep2024-300x158.jpg)